Hoccleue, I wole it to thee knowen be,

I, lady moneie, of the world goddesse,

þat haue al thyng vndir my buxumnesse,

Nat sette by thy pleynte risshes three.

Myn hy might haddest thow in no cheertee

Whyle I was in thy slipir sikirnesse.

Hoccleue, I wole it, etc.

At instance of thyn excessif largesse

Becam I of my body delauee

Hoccleue, I wole it, etc.

And syn þat lordes grete obeien me,

Sholde I me dreede of thy poore symplenesse?

Go, poore wrecche. Who settith aght by thee?

Hoccleue, I wole it, etc.