Дуживца диллира дейккваллира ца бец1ра, ссикара, гьвярира, ккурттара. Ца заманалла илтти учидичивца хвала микквала ккалккана гуни, чула къуллукъкъи дувк1ара. Микквала ккалкканна гуни г1яйригналли гьабиркъур кур буживца. Илтти сукли цанцилли гьел курни дижкадичивца. Пикридик1улца угьалра, цигли ттурагьядана дигьядайра дик1ул. Ца г1ях1ли замана бегурца. Илтти ц1акьли ккушдяхъивца. Ц1ил г1ямалтар ккуртта бик1улца: — Гьари ч1ягъдарабай суклели цанцилли, багь ц1акьли назик т1амалла багь кватти бигьвалра, гьел нихьхьвал буканда. Вярхъбик1улца ссика, авбик1улца бец1, гьямбик1улца ккуртта. Гъвярила мивла т1ама сарцабач1ив аккура гьелтталла уркка. Беркунца гьвяри г1явлелли. Цацара бари бегурца. Ц1илра ккушдигьявца илтти. Нара багьсаргван баривца. Ч1уйнякьи бец1ила т1ама назикбигьявца, цилжиаккун ил багьсал ц1акьли авбик1ул, т1ама бугунни буживца. Беркунца бец1 сикалра ккуртталра. Нара пикридик1улца илтти, г1яйригни цебегьарайчи цигли ттурагьядудайра дик1ул. Ккуртта бик1улца ссикаци: — Гьештти нихьхьваццир дарх курни дижкадичив кьялиппи ту ни кадихьа ила, и гьелтталла чевчи гьабурч! и, бархьли кабицци, ду ила хъиц1риппалжи гьуч1анда, тях1ттурагьабирганда курцциттар. Ц1ил дул и ттурагьикъкъанди цигли бигьвалра. Ссика разибичивца. Ккуртта цинни бурсив тях1ялли курниттар тях1ттурагьабиживца. Ляп1гьабарив цинна рижра цабира Писси-пях1ли беркьивца. Калгунца ссика цабигинал, лик1унни ккурттал кумекбарарей. Гьерегъил бари чиркалла г1яйригни цебегьивли, ссика кабишурли букъкъивца.