Буживца бейкквалца сув хьулумра субела рихъна абара. Хьулумли барил хурег сагъли кабихьандел, гьар ч1вакьанни букан заманалла, рихънал вях1и дяг1 дирул руживца. Урши пикрилци вичивца, цилжи абал вях1и дяг1 дирулейра ик1ул. Илел цинна хьулунжи кьарикигара пикрибаривца. Сахъ хьулумли хинк1и даривца. Субела абала сукран це дахъилгван кадаривли, чанкка даривца. Ч1вакьанни букана кабижив заманалла, сув ик1улца хьулунци шин диккулда, шин цакъкъа. Хьулунни шин кит1улделли, субел хьулунна сукрара цинна абала сукрара дарсдаривца. Хьулун кариживца рукана. Сукра барсбарибилжи шакричивли, вях1и дях1 даривца. Амма цик1ал бивли аккура. Ц1ил субел дярххялла хьулун рускагьун заманалла, сукли хъил дити шин чях1ттура кат1ивца. Ца к1ант1 шинела хъил батурли аккура. Да г дуччи хьулун чицаригьунца, шин дерччара рик1ул. Шинела к1ант1 хъил бейккура. Субецци шиней вя рик1улца, муругряхъивда. Сув шиней вярун акку. Ц1ил цари гьариццур регурца даг дуччи г1янццай шиней. Гьелей гьерегь вях1и палтарра чикагьурли, цай авагьахара, сувра ватишивца. Пянццай шин дерччара чиреч1ив манзилла, субел хьулум руцивли шинецци рижкарач1ивца. Ца г1ях1ли урухраривца. Хьулун ил витилжи шакричивли акку. Ц1ил сув хъяч1ли хъил цяунни, буршшан киссунца, уссанилла гьердаривца. Пянццайттар церегьивли, хьулум рик1улца субецци ду шинецци чилдел рижкарач1ивда. Рувк1ул ца бара калгунда. Сув ик1улца, дул ицци бивда кьал, дила абала урч1и зеймабиратти, илелара Аллагь ви. Хьулум субецци черверххи рик1улца, шакричивца цинна субей, на ила абай абиккан абиранда.

Ца заманалла рихъна цинна рирсилса шеттир рярунца цаник1алжи. Ца г1ябал бари дичи вл и гьерегь, рирсилла сув гъайик1ул т1амбакьивца. Цилжи ила аба цинна хъил г1ярянней ик1ул. Рирси рик1улца субецци, рахьу, г1ярярун аругар, гьявицци.

Гьелтти гъайла дакьивца рихънал. Ц1ил рихъна ттурарерхулца, хъил рянда рик1ул. Ратришивца хьунейттарк1ин багьла-багьлал. Рихъанцци ца лайлара 6елч1унца:

Даралра хинк1и ччанкка,

Меревк1 уршилла хьулум,

Даралра дигла ккирцци,

Вевк1авкка рирсилла сув, — рик1ул.

Аба кьанни царигьулца ик1ул, ттураверхур уршилли, абала лайлалла бакьивли, къапулса т1ашиццурца. Аба церегьивли, ваши дила урши, дахьанда нихьхьвала хъил, рик1улца. Багьла-багьлал аба урши гьагурца чула хъил.

Уршилла хьулумра ц1ил г1ягькаригьявца, ччвакквал цангьеберхулли гьеркабигьявца.

Гьетин гьеттира белди, дура гьежин цегьивда!