Уживца виллира вейкквалли, ца мискин мейдан. Илела целра бужив акку. Цайра ц1акьли яравкан, ч1вакьанни эвелкъунил, циллара пагь акквар уживца. Гьар заманалла цинецци цай гъайкик1ул уживца: «Бигьандел г1ябал урши, букьи-хъяшти бигьалра биккади».

Ца заманалла илел хьулун кариживца. Агурца гьелела, цай ик1варагван, букьихъяшти г1ябал урши. Цаибил урши уживца ч1ик1ми т1ямар, ч1велъибил урши — чидяргьур урч1и-михъиндар, г1ябал ибил уршилла т1улимсет акквал хъяв бужив аккура.

Ца заманалла ватвегьивца аттал хвала урши мярцалла кьари. Вихъанци хьуней къуттавяхъивли, чик1ми т1ями делкьунни, вевч1ивца. Ацигъул викьал ик1ул, аттал гьелей гьерегь ч1велъибил урши весунца. Гьелин вевч1ивли хвалел уцци чиваживли, урк1ухъунни, цинна михъринцци някъби дурххявли, гьелра кичив вевч1ивца. Ц1ил ч1велъибилра ацигъул викьал ик1ул, аттал г1ябал ибилра урши гьерегь ватвегьивца. Гьелел цинна хвалати ч1елра уцци бевч1ив чибаживкъел, урухвигьявли, бек1 сурсурцабаривца, т1улимгван хъяв ласбичивли, кичивли гьелра вевч1ивца. Ц1ил мискин arra гьелттай гьерегь муццаухъунца. Цинецци цайра гъайик1ул: «Гьештти г1ябал букьи-хъяшти беччижил, ца мунпяг1ят чебил урши веччивдел дам ик1ул». Бевч1ив уршбалжи чивегьивца.

Гьетин гьеттира белди, гьежин дура цегьивда.