Буживца, бейквалли ца ца ник1ва шира шантира. Шанти чула-уркка ц1акьли цангьеберхурти буживца. Сукли г1ячу шанталли цанцилли дирул, цалжи ца цакьли кумекбик1ул буживца. Гьел шилцци уживца ца жагьил игит мейдан. Илей Г1ях1мад бик1ул буживца. Ца заманаллахабар ттурабичивца хвала г1яскарра цайра душман чицухъунца бик1ул. Душ манни сукли цинна хьуней сагълидиркан шими гьина-гьинадаривца 6ик1ул. Шантира нагькагунца на цибиранней бик1ул. Г1ях1мадли шанти паргьатбаривца, ци бигьалра пикрибиранда ик1ул.

Ца бари шанталци ик1улца ил: — Нихьхьва урухдигьара хайри абиргьар, гьана гьаттира цангьедерхулли дигьара г1яг1нилца. Душманжир четти дикара чебилца нихьхьвай. Нихьхьва камли акквал дейквади, душман на г1яскар хвала ци ца, гьел багьнал дул ца г1ямал пикрибаривда, нишша дам ник1надигай: — Делгьунни швел-реккал гьяйгванра, даривли чанкка-ччимус хинк1ира, царара хурегира гьелтти сукли балхханда. Пянццала шинра, ши-алавти цара шинра гванзалгу гункадартанда. Душман цай-цаял гьешккар сарвиргьар.

Шанти разибичивца гьелела пикрилжи. Ивхьнелла замана буживца. Ил дус я цигвантира ц1идехь дач1ивли дужив аккура.

Гьебегьивца душманнаг1яскар шилцци. Ил шилла да гнала дагна даривли хвала г1яшакки диц1ив хурегалла дуживца. Сукли хуреги чанккагван чимусти. Пяскар ца г1ях1ли ккушбигьявлиди. Чикабигьявли сукли белкъаней букунца. Белкъункъел илтталжи шин гьандичивца. Муццабиживца шиней. Дейку я шин, я ц1идехь. Чуххала синт1и х1ясивдаривца. Илттира агьугван кьускьарли дуживца. Ц1ил илтти миржел кьакьабаривли, гьуя бик1ул шикьбиживца. Гьелккар сарбигьявца сукли, шинра, ц1идехьра акквар гьежгван дуней нихьхьвай баживли акку бик1ул, черкабигьяв кагурца гьябунццирхин. Г1ях1мадла г1ямалталли шира шантира берцухурца.

Гьетин гьеттира калгун, дура гьежин цегьивда.