¹⁷Господи, благослови¹⁸

Господу поспевающу¹⁹ и слово утвержающу²⁰, к твоему благоумию²¹ пречестный архимандрите²² всея Руси, осподине мой, отче²³ Анкудине²⁴. Подай же ми благоприятная твоя слуха, да в ня возглаголю дивных и блаженых²⁵ муж²⁶ житиа, и деяниа, и знамениа, бывшая²⁷ во святом сем²⁸ манастыри Печерском, еже слышах о них от Симона, епископа²⁹ Володимерскаго и Суждалскаго, брата твоего, а чрнца бывшаго печерскаго³⁰, иже сказа мне, грешному, по святем, велицем³¹ Антонии, бывша началника рускым мнихом, и по святем Феодосии³², иже по нею³³ честных мних, скончавшихся в дому ³⁴Божиа Матере³⁵. Да слушит^{36 37}твое благоразумие³⁸ моего младоумиа и несвершена смысла[150].

Вопросил³⁹ мя еси некогда, веля ми сказати⁴⁰ о тех черноризцех садеяннаа; сведаа мою худость и неизящное нрава, иже всегда со страхом во всякой повести беседую⁴¹пред тобою, — то⁴² како могу ясно изрещи ими же чюдеса и знамениа преславнаа створишася? Мало же убо сказах ти, а множае забых от страха и, постыдехся твоего благочестиа, неразумно⁴³ исповедах⁴⁴. Понудихся //

л. 33 об. писанием известити, еже о святей ¹и блаженей² братии нашей, да и сущии по нас черноризци уведят благодать Божию, бывшую во святем сем месте, и прославят Отца небеснаго, показавшаго светила в Рустей стране, в печерском³ святом манастыри.