¹⁷Господи, благослови¹⁸

Бысть в земли Варяжьской князь Африкыан¹⁹, брат Якуна Слепаго, иже отбеже от золотыя руды, бияся полком по Ярославе с лютым Мстиславом. И сему ²⁰Африкану²¹ бяшета²² два сына — Фриянд²³ и Шимон[5]. По смерти²⁴ же отца ею изгна Якун обою брату от области ею²⁵. Прииде же Шимон к благоверному князю нашему Ярославу[6]; его же приим, в чести²⁶ имяше и дасть и²⁷ сынови²⁸ своему Всеволоду, да будет старей²⁹у него; прия же велику власть от Всеволода. Вина же бысть такова любве его к святому тому месту.

В княжении Изяславли³⁰ в Киеве половцем пришедшим на Рускую землю, изидоша сии трие Ярославичи в сретение им: //

л. 1 об. Изяслав¹, Святослав и Всеволод[7], имый² с собою³ сего Шимона. Пришедшим же им к великому⁴ святому Антонию[8] молитвы ради и благословениа, старец же отврз неложнаа своа уста и⁵ хотящую быти погибель⁶ ясно⁷ исповедаше. Сий же варяг пад на ногу старца⁸, моляшеся⁹ сохранен быти от таковыа беды. Блаженый же рече тому: «О чадо, яко мнози падут острием¹⁰ меча, и, бежащим вам от супостат ваших, попрании и¹¹ язвени будете, и в воде истопитеся; ты же, спасен быв, зде имаши положен быти, в хотящей ¹²ся создати¹³ церкви».

Бывшим же им на-Лте¹⁴, соступишася полци обои; Божием гневом побеждени¹⁵ быша християне; и, бежащим им, побеждени быша и воеводы со многими вои, егда соступишася. Ту же и Шимон ¹⁶лежа язвлен посреде их¹⁷. Возрев же горе на небо и виде¹⁸ церковь превелику, якоже и преже виде на мори, воспомяну глаголы Спасовы и рече: «Господи, избави мя от горкия сия смерти молитвами пречистыа твоеа Матере ¹⁹и преподобною отцю Антония²⁰ и Феодосия!» //

л. 2 И ту абие ¹изят и некаа сила и-среды² мертвых, и абие³ исцеле от ран и ⁴обрете вся своа⁵ целы и здравы.

И прииде к блаженому, и сказа вещ дивну, тако глаголя: «Отець мой Африкан⁶ сдела крест и⁷ на нем изобрази богомужное подобие Христово написанием вапным, нов дело⁸, якоже латина чтут, велик делом, яко 10 лакот[9]. Сему ⁹честь творя¹⁰, отець мой возложи пояс о чреслех его, имущ¹¹ веса 50 гривен[10] злата, и венец злат на главе¹² его. Егда же изгна мя Якун, стрый мой, от области моеа, аз же взях пояс со¹³ Иисуса и венець с главы его; и, обратився ¹⁴ко мне¹⁵, рече: «Никакоже, человече, сего возложи¹⁶ на главу свою, неси же на уготованое место, идеже зижется церкви¹⁷ Матере моеа от преподобнаго, сему в руце вдаждь, да обесится¹⁸ над жрьтвеником моим». Аз же от страха падохся¹⁹, оцепнев, лежах, акы²⁰ мертв, востах²¹, скоро внидох в корабль.

И пловущим нам, бысть буря велия, ако всем отчаатися живота своего; и²² начах впити²³: «Господи, прости мя, яко сего ради пояса уже погыбаю, понеже взях от честнаго ²⁴твоего человеколюбиа²⁵!» //

л. 2 об. И се видех¹ церковь² горе и мыслях³, кая⁴ си есть церкви⁵. И бысть⁶ глас к нам⁷; «Иже хощет создатися от преподобнаго во имя Божиа Матере, — якоже видехом, величеством и высотою, и⁸ размерив поясом тем златым, 20⁹ в широту¹⁰, а 30¹¹ в длину, а¹² 30 в высоту стены¹³, с верхом 50, — в ¹⁴нейже ты положен имаши¹⁵ быти». Мы же вси прославихом Бога и утешихомся радостию великою зело, избывше¹⁶ горкыа смерти. Се¹⁷ же и¹⁸ доселе не сведях¹⁹, где свершитися хотяше показанаа ми церкви на море и на-Лте²⁰, уже ми²¹ при смерти сущу, величеством и красотою, дóндеже слышах от твоих честных уст, яко зде ми положену быти, в хотящей создатися церкви». И²², изем²³, дасть пояс златый, глаголя: «Се мера и основа, сий же венець да обешен будет над святою трапезою[11]».

Старец же похвали Бога о сем, рек варягови: «Чадо, отселе не наречется имя твое Шимон, но Симон будет имя твое». Призвав же святаго Феодосия, рече: «Симоне, сий хощет воздвигнути таковую церковь», и вдасть²⁴ ему пояс и венец. И оттоле //

л. 3 велику любовь имеяше к святому Феодосию, подаваа имениа многа на возграждение¹ манастырю.

²Основана же бысть божественаа сиа церкви Богородичина³ в лето 6581⁴. В дни благовернаго князя Изяслава⁵, сына Ярославля, нача здатися⁶ церкы⁷ сиа, иже своима рукама нача ров⁸ копати, вдасть⁹ 100 гривен злата в помочь блаженому¹⁰ и меру¹¹ положьше златым поясом по оному гласу, иже¹² от небес ¹³слышанный на мори¹⁴.

¹⁵Некогда сему¹⁶ Симонови пришедшю к блаженому и по обычней повести рече¹⁷ блаженому: «Прошу у тебе дара единого». Феодосий же¹⁸ тому¹⁹: «О чадо, что просит твое величество от нашего смирениа?» Симон же рече: «Велика паче и выше моеа силы требую аз дара». Феодосий же: «Свеси²⁰, чадо, убожество наше, иже многажды хлебу ся²¹ не обрести в дневную пищу, иного же не свем, аще что имею». Симон же²²: «Аще хощеши даси ми, можеши бо по данней ти благодати от Господа, имже именова тя преподобным. ²³Егда бо снимах венець с главы Иисусовы, той ми рече: «Неси на уготованное место //

л. 3 об. и дай же в руце преподобному, иже зижет¹ церковь Матере моеа». И сего убо прошу у тебе: да ми даси слово, яко да благословит мя душа твоя якоже в животе, тако² и по смерти ^Зтвоей и⁴ моей». Отвеща святый: «О Симоне, Симоне, имам ти нечто рещи: выше силы прошение, но аще ⁵мя узриши⁶, отходяща⁷ отсюду, и по моем отшествии и сию церковь устроену, и уставы преданыа свершатся⁸ в той⁹, известо ти буди, яко имам дрьзновение к Богу; ныне же не свем и, аще прията¹⁰ ми есть молитва».

Симон же рече: «От Господа свидетельствован еси, сам бо от пречистых уст святого ¹¹его образа¹² слышах о тобе, и¹³ сего ради молю ти ся: якоже о своих чрьнцех¹⁴, тако и о мне, грешнем, помолися. и о сыну моем Георгии, и до последних роду¹⁵ моего». Святый же, яко¹⁶ обещася, рече: «Не о сих единех молю, но и¹⁷ о любящих место се святое мене ради». Тогда Симон поклонися до земля¹⁸ и рече: «Отче¹⁹, не изиду от тебе, аще написанием не известиши ми».

Принужен же быв любве его²⁰ ради, пишеть же тако: «Во имя Отца и Сына и Святаго Духа», — иже и доныне влагают умрь//шим

л. 4 в руку таковую молитву. И оттоле утвердися таковому¹ написанию² полагати умрьшим, преже бо сего ин не сотвори сицея³ вещи в Руси. Пишет бо и⁴ сию молитву: «Помяни мя, Господи, егда приидеши во царствии си⁵[12] и воздати хотя⁶ комуждо по делом его, тогда убо, Владыко, раба своего Симона и Георгия одесную тебе стати сподоби в славе своей и слышати благый твой глас: «Приидете, благословении Отца моего, наследуйте уготованное вам царство»[13].

Рци же и⁷ се⁸: «Отче, да отпуститься греси родителема моима и ближним⁹ моим». Феодосий же воздвиг руце свои и рече: «Да благословить¹⁰ Господь от Сиона, узрите благаа Иерусалиму¹¹ вся дни живота вашего и до последних рода вашего!»[14] Приим же убо молитву и благословение от святаго и¹², акы некий бисер многоценный¹³, дар Быв преже варяг, ныне же христиан благодатию Христовою, научен бысть¹⁴ святым отцем нашим Феодосием; оставив латинскую¹⁵ буесть¹⁶, истиньне верова в Господа нашего Иисус Христа со всем домом своим, яко де 3000 душ, с иереи своими, чюдес ради //

л. 4 об. бывающих¹ святою² отец³ Антониа и Феодосиа. Сий убо Симон прьвый положен бысть в тою⁴ церкви.

Оттоле сын его Георгий велику любовь имеяше к святому ⁵тому месту⁶. Быв⁷ послан от Володимера Мономаха в Суждалскую землю сий Георгий, дасть же ему на руце сына своего Георгиа. По летех же мнозех седе Георгий Володимеричь в Кыеве[15], тысятьскому же⁸ своему Георгиеви, яко отцю, предаст всю⁹ область Суждалскую.

Восхоте убо сий Симонови¹⁰ оковати гроб святаго Феодосиа, еже и сотвори. Посла единого от бояр¹¹ своих, сущих под ним, именем Василиа, и сему вдасть Георгий 500 гривен сребра ¹²и 50 гривен злата¹³. Приим же убо Василий¹⁴, неволею емлется¹⁵ пути, проклинаа живот свой и день рожениа своего, и¹⁶ глаголаше¹⁷ в собе: «Что смыслил¹⁸ старейшина наш толико богатьство погубити? Каа мзда сего ради будет, еже мертваго гроб оковати? Но яко туне добыто, туне же и поврьжено! Люте же мне единому, не смевшу ся преслушати! Во что дом мой оставляю и кого ради ¹⁹шествую пут есь²⁰ //

л. 5 горкый? От кого ли паки¹ честь прииму: ко князю есмь не послан, ни ко иному велможи. Что ли рку или что возлаголю ко оной корсте² каменной, кто ми дасть ответ? Кто ли не посмеется моему безумному приходу?» Сии глаголаше и ина множайша сих к сущим с ним.

Святый же явися тому во сне, кротце глаголя: «О чадо, хотех ти подати мзду труда ³деля твоего⁴, аще ли⁵ не покаяшися, злы дьни имаши видети». Василий же не преста ропща, многу же беду наведе⁶ на нь греха ⁷ради его Господь⁸: кони их⁹ вси помроша, и порты их покрадоша, и все взяша у них татие, разве посланаго всего¹⁰. ¹¹Отврез же¹² посланое сокровище на покование¹³ раце, и¹⁴ изят оттуду пятую часть злата и сребра, и истеря¹⁵ на потребу собе и конем, и¹⁶ не разуме бывшаго гнева хулы ¹⁷ради его¹⁸.

Бывшу¹⁹ ему в Чернигове, спаде²⁰ с коня ти тако разбися, яко не мощи ему ни рукою двигнути. Сущии же с ним, вложивше и²¹ в насад[16], привезоша его под Кыев, вечеру же бывшу. ²²В ту нощ²³ явися ему святый, глаголя: «Василие, неси ли слышал Господа²⁴, глаголюща: «Сотворите себе //

л. 5 об. другы от мамоны неправедны, да егда оскудеете, приимут вы в села вечнаа»[17]. Добре убо помысли сын мой¹ Георгий² рекша³ Господа⁴: «Приемляй праведника во имя праведниче, мзду праведничю приимет»[18]. Ты же ⁵твоего ради труда хотяше венчан⁶ быти, якоже таковыа⁷ славы никтоже получи, еяже хотяше ты обещник быти с ним; ныне же, всего сего обнажен еси, не отчайся ⁸своего живота⁹. Инако не можеши исцелити¹⁰, аще ся не покаеши, и¹¹ возложат¹² тя на раку¹³ мою¹⁴ — и истеряное¹⁵ злато и сребро цело обрящеши». Се же яве бысть ему, а не во сне, в т же вечер явися¹⁶.

И¹⁷ прииде к нему Георгий-князь¹⁸ Володимеричь со всеми бояры¹⁹ и, видев его скрушена²⁰ велми, печален быв его ради, отъиде.

Василий²¹ же верова видению святаго, повеле своим²² нести ся²³ в Печерскый манастырь. Бывшим же им на брезе²⁴, вниде некто незнаем²⁵ ко игумену, глаголя: «Скоро шед на брег, возведи Василиа и сего положи на гробе Феодосиеве, ²⁶и, еже²⁷ ти дасть, обличи²⁸ и²⁹ пред всеми, яко взял еси³⁰ пятую часть сего, аще ся покает, отдай³¹ же ему». Си рек, невидим бысть. Игумен же поискав таковаго //

л. 6 человека, ¹явлешагося ему², — никто³ виде его⁴ входяща ни⁵ исходяща⁶. Шед же к Днепру⁷, возведе и на гору, и положиша его на раце святаго — ти тако воста, цел и здрав бысть всем телом, вдасть⁸ же игумену 400 гривен сребра а 40 гривен злата. Игумен же⁹ к нему: «Чадо, где¹⁰ и¹¹ еще 100 гривен сребра и 10 злата?» Василий же нача каятися, глаголя: «Аз взях и¹² истрерях¹³; пожди ми, отче, все ти отдам; хотех¹⁴ укрыти¹⁵ и не явити ¹⁶всего, мня утаити¹⁷ всевидящаго Бога». Тогда исосопше¹⁸ от ссуда¹⁹, в немже бе запечатано²⁰, и пред всеми ищетше, и обретше всю полну: 500²¹ сребра а 50²² злата, — и вси прославиша Бога²³ и святаго Феодосиа. Тогда нача²⁴ вся по ряду Василий²⁵ явлениа²⁶ и деяниа²⁷.

Заутра же князь поем²⁸ с²⁹ собою лечьци, прииде в нареченное место, хотя врачевати Василиа, и не обрете его. Уведавше³⁰, яко в Печерскый манастырь повезен³¹ бысть³², и мнев его, яко³³ уже умерша, и скоро еха³⁴ в манастырь, и обрет³⁵ и³⁶ здрава, акы и³⁷ не болевша. И, слышав от него дивнаа чюдеса, приложися весь³⁸душею к святей Богородици и к³⁹ святому Феодосию.

Симонович⁴⁰ Георгий, тысятьский, ко многому //

л. 6 об. подаянию¹ вдасть гривну шийную², в нейже веса 100 гривен злата, написав тако: «Се аз, Георгий, сын Симонов, раб святыа госпожи³ Богородици и холоп святаго Феодосиа, благословен быв святою его рукою: слышав⁴ от уст его: «Прозри!» — и прозрех; болев 3 лета очима, не видех⁵ ни блеска солнечнаго — словом бо его исцелех. Пишу грамоту последнему роду своему, да никтоже отлучен буди дому⁶ святыа госпожы Богородици и святаго Феодосиа. Аще же и в последнее убожество кто⁷ приидет, не могай⁸ что дати, да в селех церкви тоа положен будет, везде бо молитва Феодосиева заступает. Егда бо приидохом⁹ на Изяслава Мстиславича с половци[19], и видехом град высок¹⁰ издалеча, и¹¹ идохом на нь, и¹² никтоже не¹³ знаше, кый ¹⁴сей град¹⁵. Половьци же бишася, ¹⁶язвени быша у него мнози¹⁷; и бежахом¹⁸ от града того. Последи же уведахом, яко село есть святыа¹⁹ Богородици, града же николиже бывало, ни²⁰ тии сами сущии в селе²¹ разумеша бывшаго, но, шедше, видеша крови пролитие и почюдишася бывшему. Сего ради пишю вам, яко вси вы вписани в молитву²² святаго Феодосиа, той ибо²³ обещася отцю моему Симонови яко²⁴ о своих //

л. 7 чрьноризцех, тако и о нас молитися. Сию же молитву повеле вложити в руку свою в гроб, чая обета святаго, иже и¹ известися некоему богоносных тех отець, глаголя тако: «Рци сынови моему, уже вся восприях² благаа молитвы ради святого, потщися и ты, чадо, вслед мене приити добрыми делы». Или³ кто не восхощет ⁴молитвы его и благословениа⁵ уклонится, возлюбить же⁶ клятву, да приидет ему». Сего ради правнуци его^{7 8}имеют любовь⁹ ко Святому Дмитрию[20] и ту имеют место свое в нем; аще кто их лишится¹⁰, под клятвою суть¹¹ прародитель и отець, иже своею волею отмещуться молитвы, и благословения, и обета преподобнаго отца.

¹²И се вы, братие, скажу ино дивно и преславно чюдо о той богоизбранней церкви Богородичиней. Приидоша от Царяграда 4 мужи, богати велми, в Печеру к блаженному Антонию и Феодосию, глаголюще: «Где хощета начати¹³ церковь?» Она же к нима¹⁴ реста: «Идеже Господь место наречет¹⁵». Сии же реста¹⁶: «Аще смерть собе проведаста¹⁷, места ли не знаменавша¹⁸, ¹⁹толкое злато вдавша²⁰ нам?» Она²¹ же призваста^{22 23}всю братию²⁴, вопросиста грек²⁵, глаголюще: «Скажете²⁶ нам истину: //

л. 7 об. что се бысть?»

Сии же мастери реша: «Нам спящим¹ в домех своих, рано, восходящу солнцу, приидоша х комуждо² нас благообразнии скопци, глаголюще: «Зоветь вы цариця³ Влахерну[21]». Нам же идущим, пояхом с собою другы⁴ и ближики⁵ своа, и⁶ обретохомся равно пришедше вси и стязавшеся: едину речь⁷ царичину слышавше и едини зватаеве бышя у нас. И видевше царицю и множество ⁸и вои о ней, и⁹ поклонихомся¹⁰; и та рече к нам: «Хощу церковь себе возградити в Русе, в Кыеве. Велю же¹¹ вам, да возмете злата на 3 лета». Мы же, поклонившеся¹², рехом: «О госпоже царице, в чюжу страну отсылаеши ны, х кому тамо приидем?» Она же рече: «Сею посылаю Антониа и Феодосиа». Мы же рехом: «¹³Ты что¹⁴, госпоже, на 3 лета ¹⁵злата даеши¹⁶? Сима¹⁷ прикажи о нас, что ясти¹⁸, что пити, сама же веси, чим нас подарити». Цариця же рече: «Сий Антоний, точию¹⁹ благословив, отходит света сего на вечный, а сий Феодосий во 2-е лето по нем идет. ²⁰Вы же²¹ возмите²² до избытка вашего²³ злато, а еже почтити вас, тако не может никтоже: дам вам, еже ухо не слыша и²⁴ на сердце человеку не взиде[22]. Правду же и сама видеть церкве //

л. 8 и в ней хощю жити». Вдаи¹ же нам и мощи святых мученик Артемиа и Полиекта², Леонтеа, Акакиа, Арефы, Иакова, Феодора, рекши нам: «Сии положите во основании»[23]. Взяхом же злато и лише потребы. И рече³ нам: «Изыидете наясно⁴ и видите величество». И видехом ⁵на воздусе церковь⁶, шедше⁷ же, поклонихомся⁸ ей: «О госпоже царице, каково⁹ имя церкы¹⁰?» Сия¹¹ же рече, яко: «Во имя себе хощу нарещи». Мы же не смехом еа вопросити: «Како ти имя?» Си же рече: «Богородичина будет церкы¹²». И дасть нам сию икону, ¹³и рече нам: «Та¹⁴ наместнаа да будет¹⁵»[24]. Мы же поклоншеся¹⁶ и¹⁷ изидохом в домы своа, носяще сию икону, юже прияхом от руку Царичину».

Тогда вси прославиша Бога. Отвеща Антоний: «О чадо, мы¹⁸ николиже исходим¹⁹ от места сего». Греци же ²⁰реша с клятвою²¹, яко: «От вашею руку злато взяхом пред многыми послухы, но и до корабля с теми ваю проводихом, и, по ваю²² отшествии²³ месяц един пребывше, пути ся яхом; и се есть день 10-й, отнеле же изидохом²⁴ от Царяграда²⁵. Просихом²⁶ же Царица величества церкве, и та рече нам: «Меру убо послах²⁷пояс Сына моего²⁸, по //

л. 8 об. повелению того».

Отвеща Антоний: «О чада, великы благодати¹ Христос сподобил вас, яко того воли свершители есте. Суть же ²они звавшеи вас^{3 4}благообразнии скопци⁵ — пресвятии аггели⁶, и яже царица Влахерне — ⁷сама чювьствено⁸ явившися вам пресвятаа, и⁹ чистаа, и непорочнаа владычица наша Богородица и приснодевица¹⁰ Мариа, а ¹¹яже¹² о той воини предстояще¹³ суть бесплотныа аггельскыа¹⁴ силы. Наю же подобие и дание злата — Господь весть, якоже сам створи и изволи о¹⁵ своею¹⁶ рабу¹⁷. Благословен приход ваш, и добру спутницю¹⁸ имеете, сию честную икону Госпожину¹⁹, и та отдаст вам, якоже обещася, иже²⁰ ухо не слыша ни на сердце человеку не взиде: того же никтоже может дати, разве тоя и²¹ сына ея, Господа Бога и Спаса нашего Иисус²² Христа, егоже пояс и венец от варяг принесен бысть, и, мера сказася²³ широты²⁴, и длготы²⁵, и высоты тоя пречитыа²⁶ церкве, гласу же таковому с небес²⁷ пришедшу от²⁸ велелепныа славы».

Греци же с страхом поклоншеся святым²⁰ и реша: «Где место таковое³⁰, да видим». Антоний³¹ рече: «3 дьни пребудем³² молящеся, //

л. 9 и Господь явить нам». И в ту нощ молящуся¹ ему, и ²явися ему Господь³, глаголя: «Обрел еси благодать ⁴предо мною⁵». ⁶Антоний же рече: «Господи, аще обретох⁷ пред тобою, да будет по всей земли роса⁸, а⁹ на месте, идеже волиши освятити¹⁰, да будет суша». Заутра же обретоша сухо место, идеже¹¹ ныне церкы¹² есть¹³, а¹⁴ по всей земли роса. В другую же нощь, такоже помолився¹⁵, рече: «Да будет по всей земли суша, а на месте святем¹⁶ роса». И¹⁷, шедше, обретоша тако. В третий же день, ставше на месте том, помолшеся¹⁸ и благословив¹⁹ место, измериша²⁰ златым поясом широту и длготу. ²¹Воздвиг руце на небо, Антоний²² рече великым гласом²³: «Послушай мене²⁴, Господи, днесь послушай мене[25] огнем, да разумеют вси, яко ты еси хотяй сему!» И паде²⁵ огнь с небеси, и²⁶ пожже²⁷ вся древа и трьние, ²⁸и росу полза²⁹, долину сотвори, якоже рвом подобно, идеже бе нача³⁰ копати благоверный князь Святослав. Сущии же со святыма³¹ от страха падоша, яко мертви.

Оттуду начаток тоа³³ божественыа церкве. В Житии бо святаго Антониа[26] сего пространьнее обрящеши. ³⁴В Феодосиеве же³⁵ Житии³⁶[27] всем явлена суть, како столп огнен явися³⁷ от земля до небесе³⁸, овогда же облак, иногда же //

л. 9 об. акы¹ дуга от врха оноа церкве на се² место, многажды же³ иконе преходити, аггелом⁴ ту носящим, на хотящее ⁵быти место⁶.

Что ⁷сего, братие⁸, чюднее? Прошед убо⁹ книги Ветхаго и Новаго закона¹⁰[28], нигдеже¹¹ таковых чюдес обрящеши ¹²о святых церквах, тако же¹³ о сей¹⁴ от варяг, и от самого ¹⁵Господа нашего Иисус¹⁶ Христа, и честнаго его¹⁷ божественаго и человекообразнаго подобиа: и святыа Христовы главы венец, и богозвучный глас от Христова подобиа, нести велящ¹⁸ на уготованое место, того поясом измерити¹⁹ по небесному гласу, и видена бысть преже начатиа, — како же и от грек иконе пришедши с мастеры и мощи святых мученик под всеми²⁰ стенами положены быша, идеже и сами написаны суть над мощми по стенам.

Должен есмь²¹ похвалити преже отшедших благоверных князий, и²² христолюбивых бояр²³, и честных мних. Блажен и треблажен сподобивыйся в той положен быти, великы благодати и милости от Бога²⁴ достоин бысть молитвами святыа Богородица и всех святых. Блажен воистину и треблажен сподобивыйся в той написан быти, яко оставление грехов приимет и мзды небесныа не погрешит. «Радуйте бо²⁵ ся, — pече, — и веселитеся, яко имена ваша //

л. 10 написана¹ суть на небесех»[29], — церкы² си³ Богови люблеши⁴ есть небесе. И того рожьдшиа изволи си сделати⁵, якоже обещася Влахерне мастером⁶ сим⁷, рекьши⁸: «Иду видеть церкве и в ней хощу жити». Добро убо⁹ зело и¹⁰ добро с тою¹¹ водворятися в святой еа¹² и¹³ в¹⁴ божественой церкви, и какоа¹⁵ славы и похвалы улучити¹⁶ положеный в той — и ^І7написану быти¹⁸ в животныа книгы[30], и еже ¹⁹пред тоа²⁰ очима поминаему²¹ быти всегда.

И еще вы, братие, ²²слово приложу²³ на утвержение ваше. Что сего злее, еже от таковаго света и²⁴ тму любити, и себе изметати от сеа богонареченныа церкве, еже оставити ²⁵Богом созданную²⁶ и²⁷ искати человекы сотвореное от насилия и грабления, яже²⁸ та сама вопиет на создавшаго ю²⁹. Сея же зижитель и хитрец, и художник, и творец — Бог, иже огнем Божества своего попали вещи тленныа, ³⁰древеса же и горы путь ровнаа^{31 32}дому Матере³³ своеа на преселение рабом своим. Разумейте, братие, основаниа³⁴ и³⁵ начала еа: Отець свыше благословил росою, и столпом огненым, и облаком светлым; Сын меру даровал своего поаса, аще бо и древо ³⁶видимо бяше существом³⁷, но Божиею силою одено³⁸ есть; Святый же Дух огнем невещественым яму ископа //

л. 10 об. на водружение корениа, и на сем камени согради Господь¹ церковь сию, и врата адова не удолеют еи[31]. ²Что же и³ Богородица: на 3 лета дает злата мастером, и своего ⁴образа пречестнаго⁵ икону даровав⁶, и ту наместницю постави, от неяже чюдеса многа сотваряются.

⁷И се едино скажу. Приидоша от того же богохранимаго Костянтина-града⁸ ко игумену Никону⁹[32] писци иконнии, глаголюще сице: «Постави рядца¹⁰ наша¹¹, хощем ся тягати: нам показавше¹² церковь малу, ти тако урядившеся¹³ пред многими послухи, си же церкы¹⁴ велика велми; се ваше злато возмите, а мы идем ко Царюграду». Отвеща игумен: «¹⁵Какови беша¹⁶ ряд деющеи¹⁷ с вами?» Писци реша, подобие¹⁸ явше¹⁹ и²⁰ образ имени ²¹Феодосиа и Антониа²². Рече игумен: «О чада, не можем вам явити тех, преже бо 10 лет отъидоша света сего, и суть непрестанно молящеся²³ за ны, и неотступно хранят сию церковь, и снабдят свои манастырь, и промышляют о живущих в нем».

И²⁴ си²⁵ слышавше, греци ужасни бывше^{26 27}о ответе²⁸, приведоша же инех много²⁹ гостий, иже³⁰ бяше оттуду, спутшествовавше³¹ с теми греци же и обези[33]. Глаголааху: «Пред сими ряд сотворихом, злато взяхом от руку ею, и ты не хощеши нам явити ею³². Аще ли преста//вилася

л. 11 еста, яви нам образ ею, да и¹ си видят, аще та еста». Тогда игумен изнесе пред всеми иконе ею. ²Видевше же греци и обези образ ею³, и поклонишася, глаголюще, яко: «Сии еста воистину, и веруем, яко жива еста⁴ и по смерти, и можета⁵ помогати, и спасати, и заступати уповающих к нима». Вдаша же и мусию, иже бяше принесли на продание, еюже святый олтарь устроиша.

Писци же начата каятися своего согрешениа. «Егда, — реша⁷, — приидоша⁸ в Канев⁹[34] в лодиах, и се¹⁰ видехом церковь сию велику на высоте. И¹¹ вопросихом¹² же сущих с нами: «Кая си церкы¹³?» И¹⁴ реша: «Печерскаа¹⁵, ейже вы писци». ¹⁶Разневавше же ся¹⁷, хотяхом бежати вниз. В ту же нощь бысть буря велика на реце. Заутра же воставше¹⁸, обретохомся близ Треполя¹⁹[35], и лодиа сама идяше ²⁰во воз воду²¹, акы некаа сила влечашеть²² ю²³. ²⁴Мы же нужею удрожахом ю²⁵, и стоявше²⁶, ²⁷день всь²⁸, размышляюще, что се будеть, яко толик путь единою ночию проидохом²⁹, не гребуще, еже с трудом едва треми дньми ³⁰доходят инии³¹. В другую же нощь видехом сию церковь и чюдную икону наместную, глаголющи³² нам: «Человеци, что всуе мятетеся, не покоряющеся воли Сына моего и моей? Истинну вы³³ глаголю: аще мене преослушаетеся³⁴ и бежати восхощете³⁵, //

л. 11 об. вся вы вземше и с лодиею положу в церкви моей. И се жe да весте, яко оттуда не изидете, но ту, в манастыри моем, остригшеся, ту скончаетеся, и аз дам вам милость в будущем веце строителю сего¹ деля² Антониа и Феодосиа». Мы же, заутра вставше, хотяхом бежати вниз и много трудихомся, гребуще, а³ лодиа ⁴горе идуще во воз воду⁵. Повинувше⁶ же ся воли ⁷и силе Божии⁸, дахомся, и скоро под манастырем сама лодия приста».

Тогда вси купно чрноризци, ⁹мастери же, ¹⁰и греци¹¹, и писци прославиша¹² великаго Бога¹³, и того пречистую Матерь чюдную икону, и святаа¹⁴ отца Антониа и Феодосиа. Ти тако¹⁵ обои живот ¹⁶свой скончаша¹⁷, и мастери, и писци, в мнишеском житии¹⁸; суть положени в своем притворе, суть же и¹⁹ ныне ²⁰у вас²¹ свиты их на полатех²² и книги их греческыа блюдомы в память таковаго чюдеси.

Егда же Стефан-игумен, демественик²³, из манастыря изгнан бысть, видев преславнаа чюдеса, како мастери приидоша, икону носяще, и Царичино видение, еже Влахерне, поведающе²⁴, и сего ради сам²⁵ Влахерньскую²⁶ церковь ²⁷на Клове созда²⁸[36]. Благоверный же князь Всеволодич Володимер Мономах[37], ун сы, и самовидець быв тому ²⁹дивному видению³⁰, егда огнь спаде с небесе и выгоре яма, идеже осно//вание

л. 12 церковное положися. И се слышашя по всей земли Руской¹. Его же ради Всеволод с сыном своим Володимером ис Переяславля² приеха³ видеть таковаго великаго чюдеси. Тогда же Володимер болен сый, и тем поясом златым⁴ обложен бысть, и ту абие здрав бысть молитвами^{5 6}святою отцю нашею⁷ Антониа⁸ и Феодосиа.

И в свое княжене⁹ христолюбець Володимер, взем меру божественыа¹⁰ тоа церкве Печерское¹¹, всем подобием созда церковь во граде Ростове: в высоту, ¹²и в широту, и в долготу¹³; но и писмя¹⁴ на хоратии написав, идеже кыйждо праздник в коем месте написан есть¹⁵; си вся ¹⁶счини во подобие¹⁷, сотвори¹⁸ по образу великиа тоа церкве богознаменаныа^19. Сын же того Егоргий²⁰-князь, слышав²¹ от отца Володимера, еже о той церкве²² створися, и то в своем княжении созда церковь во граде²³ Суждале в ту же меру, яже²⁴ по летех все ты распадошася[38], си же едина ²⁵пребывает Богородичина церкы²⁶.

И²⁷ се сказаша нам блажении²⁸ ти чьрноризци чюдо изрядно. Быста два мужа²⁹ от великых града того, друга себе, Иван же и Сергий. Сиа приидоста в церковь богонареченную, и видеста свет, паче солнца, на иконе чюдней Богородичине³⁰, и в духовное братство приидоста³¹.

И по мнозех летех ³²разболеся Иван³³, //

л. 12 об. остави сына своего Захарию, 5¹ лет суща². И призва игумена Никона, раздаа все имение свое нищим, и часть сыновню дасть Сергию: 1000 гривен сребра ^За 100 гривен злата. И⁴ предаст же и^{5 6}сын свой⁷ Захарию, уна суща, на соблюдение⁸ другу своему, яко брату верну⁹, заповедав тому¹⁰, яко: «Егда¹¹ возмужает сын мой, даждь¹² ему злато и сребро».

Бывшу же ему 15 лет, восхоте взяти злато и сребро отца своего у Сергеа. Сий же уязвен быв от диавола¹³, мнев приобрести богатство¹⁴, живот со душею погубити, глаголет уноши: «Отець твой все имение свое¹⁵ Богови издал¹⁶, у того проси злата своего¹⁷ и сребра; тот ти должен¹⁸, аще тя помилует. Аз же не повинен есмь¹⁹ ни²⁰ твоему отцю, ни тобе ни в едином²¹ златнице. Се ти²² створил отц твой²³ своим безумьем: раздаа²⁴ все²⁵ свое в милостыню, тебе же нища и убога оставил».

Сиа слышав, уноша нача плакатися своего лишениа. Посылает же с молбою к Сергею: «Дай же ми²⁶ половину, а тебе половина²⁷». Сергий же жестокими²⁸ словесы укаряше²⁹ отца его³⁰ и того самого. Захариа же третьие³¹ части прости³², таче десятое. Видев же ³³себе всего лишена³⁴, глаголет же³⁵ Сергию: «³⁶Клени ми ся в церкви Печерской пред чюдною иконою Богородичиною, идеже братство взя со отцем //

л. 13 моим».

¹Сий же отвеща, кленыйся², яко не взях³ 1000 гривен сребра ни 100 гривен злата; и хотел⁴ целовати, и не возможе приближитися ко иконе. И⁵ исходящу⁶ ему из⁷ дверий, нача впити: «О святаа Антоний⁸ и Феодосий⁹, не велита¹⁰ мене¹¹убити аггелу¹² сему¹³ немилостивому! Молита¹⁴ же ся¹⁵ госпожи Богородици, да отженет от мене многыа бесы, имже есмь предан! Возмете же злато и сребро, запечатано в клети моей». И бысть страх на всех. И оттоле не дадят клятися святою Богородицею никому¹⁶.

Пославше¹⁷ же, взята сосуд запечатан и обретоша в нем 2000 гривен сребра а 200 гривен злата: тако бо усугуби Господь, отдатель милостивым. Захариа же все вдаст¹⁸ игумену Ивану¹⁹[39], да²⁰ рострошит²¹, якоже хощеть. Сам же постригся и сконча живот свой ту. Сим же златом и сребром поставлена бысть церкы²² Святаго Иоана²³ Предтеча²⁴, удуже на полати восходят, во имя собе, Ивану-боярину²⁵ и сынови²⁶ его Захарии, еюже бысть злато и сребро.

²⁷Сказание о святей трапезе и о освящении²⁸ тоа великиа церкве Божиа матере. В лето 6597, в первое лето игуменьства Иванова²⁹, священа бысть церкы³⁰ Печерскаа. Много же убо поискавше, да будет сделана трапеза камена³¹, не обретеся мастер ни един; //

л. 13 об. древяней же досце сделане положишя. Иван¹ же² митрополит[40] не восхоте ^Збыти древяне трапезе⁴ в такой великой церкви, и сего ради⁵ игумен в велице печали бысть. И прииде неколико дни, не бывшу священию. В 13⁶ августа внидоша чрнци в церки⁷, по обычаю, пети вечерню и видеша у олтарныа ограды доску камену положену и столпцы на строение трапезе⁸. Скоро возвестишя митрополиту таковую вещ. Сий же похвали Бога, повеле быти священию вечерни.

Много же поиспытавше⁹, откуду и ким принесена бысть¹⁰ таковаа доска и како в церковь внесена бысть, замченей ей¹¹ сущи. И с всюду¹² пытавше, по воде же и по суху, куде¹³ привезена бысть, — никакоже обретеся¹⁴ след тех стоп, возивших ю¹⁵. Пославше убо тамо, идеже делаются таковыа вещи, 3 гривны сребра, да тоя мастер возмет за ¹⁶свой труд¹⁷. Заповеди¹⁸ же всюду прошедши¹⁹, и не бысть делатель. Но хитрець и промысленик всех, Бог сотворивый²⁰ ту: делав, и²¹ положив, и утвердив рукама святительскыма на предложение своему пречистому телу и святей крови, изволив²² на той святой трапезе, юже сам дарова, за весь мир по вся дьни закалатися.

Во утрий же день приидоша с ²³митрополитом Иваном²⁴ и епископи²⁵: Иван²⁶ Черниговски, //

л. 14 Исайя Ростовьскый, Лука¹ Белогородскый[41], — никимже² звани бывше³, обретошася в чин священиа. Вопроси⁴ тех блаженый митрополит: «⁵Чего деля⁶ приидосте⁷, не звани бывше⁸?» Отвещаша⁹ епископи¹⁰: «От тебе присланый глагола нам, яко в¹¹ 14 августа свящается церкы¹² Печерскаа, готовя будите со мною во ¹³время литургия¹⁴». Мы же не ¹⁵смевше преслушатися¹⁶ твоего словеси, и се есмы¹⁷» Отвеща¹⁸ Антоний, епископ¹⁹ Юрьевьскый[42]: «Аз бех боля, егдаже вниде сея ночи чрьнець ко мне и глагола ми: «Заутра свящается церкы²⁰ Печерскаа, да будеши тамо». Якоже тою²¹ слышах²² — ти тако здрав²³ бых, и се есмь по повелению вашему».

Святитель же хоте изискати такых человек, кто суть звавше²⁴ тех, и ту абие ²⁵глас так²⁶: «Исчезоша испытающей испытания!»[43]. Тогда простр руце на небо и рече: «Пресвятаа Богородице! Якоже во свое преставление апостолы от конец вселенныа собравши в честь своему погребению[44], тако и ныне в священие своея²⁷ созвавши тех наместникы ²⁸и наши²⁹ служебникы³⁰!»

И вси во ужасти³¹ бывше³² от великых чюдес. Обишедше³³ трижды церковь, начаша пети; «Возмете, врата»[45], — и не бысть никого в церкви³⁴, иже бы³⁵ кто³⁶ отпел: «Кто се есть царь славы»[46], не бе бо ни единого в церкви оставша³⁷, //

л. 14 об. дивящим ся им епископьску¹ приходу. Многу² же молчанию бывшу, и бысть глас изовну³, яко аггельск⁴: «Кто се есть царь славы?» Взыскани же бывше⁵ таковии певци, кто суть и чьи суть. Влезшим⁶ же в церковь, дверем всем затвореным сущим, ни един человек обретеся в церкви⁷. И разумно бысть всем, яко все строится ⁸Божиим промыслом⁹, еже о той святой божественой церкви.

Темже и¹⁰ мы рцем: «О глубина богатства и сила разума! Кто изследит ум Господень или кто светник¹¹ бысть ему?[47]» И Господь да сохранит вы и соблюдет¹² вся дни живота вашего молитвами святыа Богородица¹³, и святых отець Антониа и Феодосиа, и преподобных и¹⁴ блаженых игумен¹⁵ наших¹⁶, и святых чрноризець манастыря того. С ними же ¹⁷нам буди^{18 19}милость получити в сий век и в будущий²⁰ о Христе Иисусе, Господе нашем, ему же слава ²¹со Отцем и Святым Духом²² ныне и присно²³.