О, святый великий Архангеле Гаврийле,

Божию Престолу предстояй и озарением

от Божественнаго света осиянный,

ведением же непостижимых таин о превечней

премудрости Его просвещенный!

Всеусердно молю тя, настави мя к покаянию

от злых дел и ко утверждению в вере моей,

укрепи и огради душу мою от искушений

прельстительных и умоли Создателя нашего

о отпущении грехов моих.

О, святый великий Гаврииле Архангеле!

Не презри мене грешнаго, молящагося тебе

о помощи и заступлении твоем в веце сем и в будущем,

но присно помощник мне явися,

да непрестанно славлю Отца, и Сына, и Святаго Духа

державу и твое предстательство во веки веков.

Аминь.