Уживца ца Шагьнаваз бик1ван талхъан. Илела буживцав г1ябал урши. Гьуна цакьли давлачебил вилхьал, талхъан Шагьнаваз цинна халк1жи урч1и иццан мейдан уживца. Илела ч1велра хвала уршби ц1акьли г1якьлулццир-дик1ал саабухъунти, аттала мас-мулкжи пахручевти, ухьтанти буживца. Илттала ник1ел уцци паргьатил, хваладехь аккварил, г1якьлулццира уцбай саухъунил, ухьтандехь адиккан урши уживца. Аттайра ил гьел багьнал ник1а имц1ал вичихи. Хвала уцбалжи бигьалли ник1а уцци авичихи. Илей илтти, аттай имц1ал виччухулца 6ик1ул, гьаман эвзагъли биргьи. Аттал урши их1ярвирул, кванра авашахи. Ч1велра хвала уццилли чула эвзагъ ахъара багьнал, гьел уцци аккварварара кьастбаривца.

Ца бари илтти тиладибик1ул аттаци, ник1а уццира чуццир варх г1яйри учивца. Аттал хвала уршбалцци чибелгунца, ни к 1а уццилжи улбетахара.

Илтталла шилла баи хвала майдила буживца. Илтти г1яйри бихъанцци 6увг1янни, ирчи дуц1дирул ца г1ях1ли замана калгунца. Барццурли кабижив манзилла, ч1велра хвалати уцби вяг1 далла бигьявли, ни к 1а уцци ч1янк!уваривли, гьелин мякьи бити къуюлци вижкаривца. Ц1ил ч1велра уцци агьикабик1ул, чул дуццан г1яйри бярункъел дуцив жанигварталла биэлли палтарра дяшухунни, аттаса цябунца. Илтталли т1узни дурсара кабиживца аттаци, валлагь, нисса г1яйри дегуркъел, ниссала палтарла кьарикатур ватурда, нисса цедегъарей сартан 6ец1ил веркун варчивда бик1ул. Аттал дахъил бисса-хъвясса дарив. Гьелела гьерегь дахъил дусми дегурца. Дец1алци вичив талхъан исли вихънара вегъив. Илбалццир сукъурра вигьявца.

Ник1ва уцци къуюлцци вижкарив гьерегь бари бигьалли, гьел муссан базригни дак1убигьявца, гьет къуюлци шинел буччара цябунца. Илтталли шин гьирц1анкъел, къуюлла ца бяг1яцци чиверц1ивли ч1янк1у урши чиваживца. Ттурагьасивца. Улбеталли ца ччваккка урши. Базригналли ил вагьвалгунца, чуццир варх учивца. Илтти базригни Шамла улкалццир цябунти буживца. Чула шагьарцци цебегьивкъел, илтталли чула шагьарла талхъанцци гьел уршилла чевттар хабар бурсивца. Талхъанни урши цинеса качихивца. Базригналжи багьара беччивли, гьел урши циней ассивца. Талхъанжи гьел уршилла т1абиг1ят г1ях1кабиццурца, гьуна-биккал г1ях1ли х1еркаривца. Талхъанна Гавгьар бик1ан рирси руживца. Урши уживли акку. Илел илтти г1ямрулцци бегьивкъел ч1велра хъалла баривца. Ц1ил цинна мас-мулкла букьурра беччивли, кабатуррца. Илтти ч1велра талих1чевли х1ербиргьул калгунца. Ц1ил цинна вяг1да кебегьивли, талхъан вевч1ивца. Талхъанна цара урши ужив акку. Сукли Шамла улкалла талхъан агур киживца ник1ва уцци.

Ца дус цакьли дегьил цябунни, унра улкналцци рискьи камли агурца. Шамла улкалцци бигьал гьуна-биккал дахъил рискьи агурца. Сукли унра улкалла халк1 ач1и ассара турабухъунца. Цябунца шамла улкалцци. Гьелтталла уркка буживца гьетти ч!велра хвала уцбира. Ник1а уццилли гьелтти ч1велра цинеса ширабаривца.

Багьсар илел илтти багьур аккура. Илтталли цайра вагьур акку. Ц1ил илтталли илецци чу ла ник1ва уцци веркьнилла чевттар т1узналла хабар бурсивца. Ил гьеткъел чула аттацци бурсибил т1узналла хабар буживца. Иж шаквичивца илтти цинна ч1велра хвалати уцби бигьнилжи. Илел илтталла хвалаци х1урмат баривца ва багьа ацассивли, дихби диц1ив ач1и деччивли батбегьивца. Илтти ц1акьли разил хъил чербигьявца. Аттацци хабар бурсивца. Атта шаквичивца, ца цибигьалра иш акквалли ттурашан талхъанни илгван абирнилжи. Ч1уйнякьира гьелтти уцбалжи гьелин цябана чибичивца. Ч1уйнякьира ник1ва уццилли гьаттира г1яххял х1урмат баривца. Гьелтталла ач1елла дихбалла чевчи ца-ца ч1вакьара кадишивли, ч1вакьанна дакни мургьира кадишивца. Ца ч1вакьа дик1алли аттаци беччахара цабасунца. Илел цай шаквичибил уцбалцци багьухур акку. Циней уцбалли барибилжир черверхурца. Амма ил цик1ал илтталцци сахъ бурсив акку. Аттай цабасун ч1вакьанна бакни Шамла талхъанни кагьар кабишивца. Хъил цебегьивли ач1и ттуракакьивкъел ттуракадичивца ца-ца ч1вакьара, гьелккар мургьира. Аттала ч1вакьанццир кагьар ттуракабичивца. Гьел кагьар г1явлелли белч1унца. Шамла талхъан чул гьеткъел къуюлцци лаъкарибил чула уцци вигьни багьурца. Чужиттар ил чевверхнилжи цакьли разибих1явца. Гьелей гьерегь, Шамла талхъанни сукли цинна тухумра, гьелтталла шагьарла халк1ра биргъивли, даршубаркьла михъ баривца. Разивигьябилла ц1акьдехьли аттала илбалла шалара чербигьявца. Ц1ил г1ябалра уцци разил даршил х1еркабигьявца.

Гьетти гьетин белди, ду гьежин цегьивда.