Уживцав виллира вейккваллира ца абала ца урши. Илей Анвар бик1ул буживца. Гьел талхъанна гьетин нукер уживца. Нукер ц1акьли чакква чарх-бек1ла, урччибил жагьил урши уживлица. Талхъанна руживца ц1акьли ччаккваци, адавчерил, гьунабиккал давкричибил, уккалцци рижрегъибил, г1якьлучебил Написат бик1ван рирси. Талхъанна рирсилли дикка дишшивца гьел цинна аттала нукержи, мискин абала уршилжи. Амма илтти хъаллабигьара хайрибиргьул бужив акку. Рирсилла уживца ца уццира, цинейра Азнаур бик1ванил. Гьел чула гьелин улшан нукерццир уртахъ гьиццулли дуствих1явца. Гьуна аттал къадагьабирулхьал, илел гьелеццир уртахъдехь деркьихив акку. Азнаурли багьурца нукержи цинна рицци риккул ахъибил ва цинна рицци гьелецци риг1яхана кумекбарара пикрибаривца. Аттал ил царагван нукержи алуккан баргьул уживца.

Ца бари талхъан цинна гьерегъбитира цайра г1яйри тураверхурца. Уршилли тиладибаривца, цабиштта уцци-риццира барх бучахара. Ил ик1улца: «Атта, ниссал дажелла дукана хурегра х1ядурбиранда, ниссай хъилра бет1ивца, дукабай ниссара нишшаццир дарх». Гьуна абиккулхьал, талхъанни уршилла хатир абатара багьнал, бучивца илтти барх. Ттураберхварей cap, Азнаурли нукерцци бурсивца, цабиштта г1яйри бянил муссанна зу. Азнаурли пикрибаривца, дикка дишив жагьилталжи кумекбарара.

Гьелин цяхунни иллел нукерцци Написат риг1яхана бурсивца. Аттала багь бялхъя ирчира лукканда ик1улца. Нишшара ила абара диг1яндигара муссара х1 ядурбиранда ик1улца.

Нукерли гьерегь цяунни, Написат ручивца. Ч1велра талхъанна багь бялхъя урчилжи мярттабиживли бегурца. Гьелтти сарбигьарей Азнаур ик1улца, хан вихцежахара, ду т1улмалли велк1абай нишшал. Дул къачигьалли Написатра риг1ян, дура велк1унда иранда аттацци. Гьелттях1ялли битра баривца.

Цазаманалла талхъанра гьелела вазиртира дажелла букана учибичивца. Гьел дуццала уркка бити майданжи Азнаур т1улмалли вижергьакъивли велк1унни варччивца. Няхъби-т1ямира цеделк1унни, мисан шаппара гьвяч1бижкабаривли. Талхъанни къяч1ли ил виркьурца, мисанттар шаппара турагьит1унца. Ц1ил талхъан ик1улца: «Циагурай этти? Написат цирягьябай?» Азнаурли бурсивца: «Валла гь атта, нисса ц1а гьилкьун чикадигьявкъел, дуццанттар верал къачагь ттуракабичивли, дура гьежтти велк1унни, Написатра ила багьлала бялхъя ирчей мяртта ретурли, писса-пях1ли беркьив».

Г1ямал бугунни талхъанни абарибил абатур, амма цинна Написат кватти гьаби ручибал багьара авигьяв. Талхъанни цинна г1ярчмик чибурхна багьухур рирси реркьивца ик1ул, амма цейра барара авигьявли калгун. Написат хъярала шингван реркьив.

Чумал дус дичивкъел, талхъанни багьур, Написат, гьет цинна нукерццир рарх регни. Цинна урши Азнаурли гьелтталжи кумекбарни. Бахъил укка тиладибик1ул калгун талхъанци рирсилиццир дарши кижахара. Даршира акиргул вахъинна калгун. Ахирра-ахир ил кьабулвичивца.

Написатли нукерццир баривли ч1вел урши буживца.

Талхъан вевч1ивли гьерегь, риццилла ч1велра урши Азнауржи уцбигван биргьи. Написатра плела мургулра бахъинна барх талих! челли, разил х1 ербиргьул калгун.

Написатла уцци Азнаур чуйнара х1яж барара шира-ширал Маккалцци вярун. Гьетеннажин гьелей Азнаур-х1яжи гьадишив. Гьар заманалла ил дикка дишшивталла гьаби кирчи. Гьелтталла мурад ажахара кьасццир виргьи. Гьелттижил гьетти гьетинра калгун, дура гьежин цегьивда.