Уживца, виллира вейкквалли, ца ц1акьли г1ясикар, терсил, сабур барара абаргьан жагьил урши. Гьел уршилла уживца вихъна arra. Атта пикриик1улца, цигли гьеж урши вяркъидайра, цигли гьеж сабурла вагь ажихидайра ик1ул. Ц1ил гьел уршилла аттал пикрибаривца гьежгван цик1ал. Беччивца уршилци гьялмалла чейтан. Гьелтти гьялми уршилцци лукканхъел, аттал бурсивца: — Гьар ила г1ясидехь чигьядун заманалла ца гъямул гьех сехълей кат1ун т1алацци кябяхъя.

Ца жумяг1ла бакни, гьел т1алацци кядяхъивца уршилли вец1ал-гъаил этта имц1а гъямул. Гьелсеттан цинни т1алацци кядяхъив гьялми чидаживкъел, урши урк1ухъунца. Вях1, пикриик1улца ил, ци г1яламатай иж. Ц1ил багьла-багьлал паргьаткиргьара киживца. Илел кьастбаривца г1ясиавиргьара, сабурчевлли шикьвик1вара. Гьерегъил жумяг1цци уршилли сабур урч1елцци кабуцивца. Ц1ил бариэттан бари ил камли г1яссивиргьара киживца. Циней цай кьарикиживца. Уришилли чибаживца, цинни сехълей т1алацци гьялми бари-эттан бари камли кадурхъяра кижибил. Ил шаквичивца, вагьли кьаст ба ралли, гьар цик1ал давкдичахара виргьнилжи. Цаник1ва сабур бирара г1яг1нибиркни. Т1алацци гьялми кадурхъяра эттан, сабур барара саматли бигьнилжи шаквичивца.

Ахирра цебегьивца ца бари, уршилли цач1у гъямул т1алацци г1якябяхъибил. Бурсивца уршилли аттацци ижал дул цач1у гъямул г1якябяхъивда ик1ул. Атта ик1улца, на ашна, абигьалли, гьар ил сабур барара вигьявхъел, ца гъямул гьет т1алаццир турагьилт1а. Уршилли arra ик1ван тях1ярли баривца. Т1алаццир гьялми турагьилт1ана къиинни буживца, амма вих1явца уршилли сукли цинни кядяхъив гьялми ттурагьит1ана. Илтти сукли гьялми ттурагьит1аней г1явра замана бегурца.

Сукли гьялми ттурагьит1ун тамандигьявкъел, уршилли аттаци чибажихивца т1ал, гьялмалла шукъуппалли биц1ибил. Атта ик1улца: — Чибигулдив, дила урши, гьеж т1ал на гьеж багьсалгван лугьян абиргьвар, цилжик1ун гьялмалла шукъуппалли 6иц1ивца. Илра, дила урши, цара мейданжи вягьи гъай мабурсатти, гьелей абиккан мабиратти. Гьар ил вягьи гъай бурсив мейданна урч1елццира гьехттигван къел кулгантица. Урч1и зейбиргьвар. Ц1ил пашманвигьявли черверхи ик1улхьалли, г1ях1дехь бейкура. Гьел багьнал, дила урши, ил мейданна урч1елжи къел кабижижил вягьи гъай мабурсатти наллатин.

Гьетин гьеттира белди, гьежин дура цегьивда».