Буживца, биллира акквалли, ца талхъанна пачалихъ. Гьел пачалихъцци гьербиргьул буживца ца кулпет. Гьел кулпетла буживца ца дахъил даргьан ттагьу. Гьел ттагьу гьар чиркалла гьуч1 ул буживца багь чяхъ барулжи, гьелкар ттуттуубик1ул, ч1ягъбик1ул буживца. Мейданталла гъай даргьан ттагьу буживца ил. Дурсул дуживца гьел ттагъул суки талхъанни диранти, г1ях1тира, вях1итира.

Бет1ивца талхъанжи гьел ттагьу, сукли цинни диранти ашк1ардиранил. Хъаркабаривли талхъанни цинна къаравашшалцци, гьел ттагьу буцихивли цинесса какъихивца. Ц1ил талхъанни хъаркабаривца гьелтталцци ттагьу белгьухунни циней хурег барахара. Талхъанна гьерегь буццанталли, ттагьу белгьана бигьяв аккура. Белгьунхьал ил миц1игьабиргьул буживца. Гьелттижил бурей вца илтталли талхъанци.

Абигьалли, — ик1улца талхъан, — цаби дул миц1и-миц1илли буканда, цакъкъа гьежин.

Ттагьу гьелин ч1ягъбик1улца дуней чяхъли: — Ду миц1и-миц1илли талхъанни букун да! — бик1 ул.

Талхъанни ил мар-марли миц1и-миц1илли беркунца.

Ттагьу илела к1улт1антак1ин ч1ягъбик1ул буживцав, ду миц1и-миц1или беркунда талхъанни 6ик1ул. Талхъанжи ил ттагьу гьаттира бет1ивца. Талхъан пикриик1улца цигли гьявбиццихидайра гьеж ттагьу ик1ул.

Цинна къаравашшалцци ик1улца, ду килссунда мукь ту нелли. Нишал дила к1улт1анцци ник1ва шукъкъа ба рая. Ттагьула бек1 саркабак1алли, гьелела бек1 хуц1кабарай т1ашакквалли.

Ттагьула бек1 саркабач1ивца, амма ил буцара бигьявли аккура къаравашшалли. Ттагьу гьарцур бегурца. Къаравашшалли ттагьула мусна рахццирган талхъан хуцкаривцай. Ттагьу ч1ягьбик1ул гьарцурца:-Къаравашшалли талхъан хуц1каривца! — бик1ул. Ттагьула т1амбакьивли, талхъан вилцци вакни вевч1ивца.

Гьетти гьетин белди, дура гьежин цегьивда.