Буживца биллира бейкквалли ца жагьил ттагьу. Ца заманалла гьелей мижер кадиццурца дахъил ач1и. Чиркалла чицабигьунгван ил пикрибухъунца, ижалкьал ца г1ях1ли белкъана бирку. Дек дирул бигьяж ижал. Ил учигьябяхъивца белкъаней ач1елли букана.

Батбишивца ухьтанни азбарцциртин, цинна мижерла чевттар пикрибик1ул. Улбеталли — хъалса дахъил къвянби ди учидичивли. На бик1улца ттагьу цинецци цаби, гьетин ач1и какьив дигьяж. Дила мижер бархьбиццур. Цябунни улбеталли — гьелин бевч1ив хвала гваца. Гьелей алавцадиживли къвянби. Агь, цигли хат1абичивдай ду, — бик1улца цинецци цаби ттагьу.

Бегурца ц1илра ттагьу шеттир. Улбеталли, бахъил укка би учибичивли, гьабичивли, ч1ягьбик1ул. — На кьал, гьетти халк1 ач1и унзудирул гьабархив бигьяж, — пикрибухъунца ттагьу. Улбеталли — унруби билг1яч1 бизни багьнал гьабичивли. Цаби чибаживгван, ца унра циней к1ат1ара цайра вяг1виццур, гьежра, аллагьла душманца, дила иркьвя ада рта н, — ик1ул.

Гьелккар сарбигьяв ттагьу, бек1 биккалли, гьу т1ями бик1ул. Элъэнни берцур.

— Вях1, - 6ик1улца цинецци цаби ттагьу, дила мижер мар биргьул акку.

Улбеталли — хьунела баи хъерхъ бизира, бихъна хвяра, эмгьара ди кадиццурли, кушра дик1ул. Цаби чибаживли, илтти разидигьявца. Баши, ниссаццир барх дик1улца. Ттагъул хабарра гьассивли акку, кван дяндай, цилжи дяндай бивли. Батбишивли, гьелтталццир барх бегурца. Белики, на эран дила мижер мар ажиж бик! ул.

Дахьулца, дахьулца илтти чумал бари. Ахирра, ца ц1ямкь дуццала баи цедегьивли т1ашдиццурца, дярххя дугара дик1ул. Ц1ил ттагьу ккушра бяхъивли, гьелтталцир барх цябунилжи пашманрабигьявли, 6ик1улца: — Ц1ямкьлира бикьал. Чердигьвандел гьях1ли аччвейра нихьва. Эмгьа бик1улца: — Ци ирххуч1дей и. Чердигьявли, гьет кьиркьир вагьжи гьерегьдуццижил, ц1ямкь дуццан г1ях1лида нихьва. Ду цилсарра урух абич1уд — иа-иа….. Эмгьал бурсан таман абигьявли белли, дуццанттар хвала т1ама-гьамалццир, хвала рявхъра-хямкралццир, дуцца жикьналла экь ттурабичивца. Гьелккар гьелтти хъерхъ бизира, бихъна хвяра, эмгьара писси-пях1ли деркьивца, ирххи дичивли. Ттагъу бигьалли, гьелин ца ккалкканна кьялинжи ирххел т1ут1убик1ул гьабиживли чиркалжи калгунца. Чиркалла багьлал кабурч1ивли, хъил батбишивца, циней цаби гъайбик1ул: — Авдал ду, авдал ду!

Ц1ил илей гьанцабичивца, чиццир бигьалра барх, кван бигьалра вагьли абаргьан мусна бяна хайри абиргьанил. Мижерра гьар гьаман марцци акабирцанра гьанцабичивца.