Уживца ца, виллира акквал ца атталара ца абалара ца урши. Хвалавигьансет ил урши ц1акьли г1якьлучебил агурца. Вец1ну шура дус вигьявкъел ил ик1улца цинна аттахъалци: — Вянда гьари, ду г1ярххялжи, белики, г1ягь дуней къаршибигьяж. Дам г1ягьли агал, нишшара диканда дуса.

Вахьул, вахьул вегъивца ил ца хвала шагьарцци. Илела буживца ца берттив чейтан, цара ц1ик1ал буживли аккура. Хвала шагьарцци ил агурца базриган. Гьелтти ваччар-чакарцци ахъивли, дегурца верал дус. Давлачев вигьявцай урши. Хвала к1ялг1я баривца циней. Мякьи бити цара базригни илела массай т1ямяг1бик1вара кабиживца. Гьелтти бярунца паччягьса г1ярзи, валлагь, ихел ниссала сукли ваччар-чакар дулгунца, цай давлачев вигьявца, улбетай цигван бурхха барибал. Сукли базарцци цабахьан халк! плеса акквал чисара бахьул акку. Ила сеттан к1ялг1я би илела.

Паччях1ли весунни цинна къараваш т1алавварихивца гьел урши цинеса.

— Ил баргьулдив, дул и цилжи т1алав варивлидел? — ик1улца хан.

— Агь и г1ямрулли велкъаби-ква, дила паччях1, ду ник1на виццуллида эттижи, — ик1улца урши.

— И гьеж дила шагьарцци цегьивкъел, ца берттив чейтанра ира види. Гьана и давлачеввигьявли, цараталла ваччар-чакар дулгунца бик1улца. Ила чейтанра гьасса, ира гьеж шагьарциир ттураверхи. Пявяттал, ила бек1 чергьабиччахара гьукму б и ранда.

— Валлагь, паччягь, и г1ямрулли велхъ, — вик1улца урши, — дул гьеж шагьар бартанда-ква, ил ца дила тилади бараттал.

— Гьу, цигван, тилади? — ик1улца паччях1.

— Цигванк1унал, гьежгван. Ду гьежин цяункъел, вец1ну шура дус вигьявди. Итеннажин верал дус дегурца. Гьана ду гьану ч1ура дус вигьявлида. Ду, ил гьежин цегьивкъелгван, вец1ну шура дусла г1ямрулла ажахабай, ду гъай акквал вахьанда гьеж шагьарццир ттура, — ик1 улца урши.

Паччях1 ик1улца: — И духхуци мейдан ди, урши. Дила цацара шагьар би. Гьелин бити халк1, дам ник1на абирццулца. Дул и вазир варивли, велсунди гьетин. Гьетти давккабичахара вигьаттал и дул вартанди этти биккантях1ялли гьервигьахара.

— Абигьалли, — ик1улца урши, — ил дила илби ттурагьадит1аха. Шагьарцци бити укка цалли ца бирг1ялца, давлачевталли мискинти бижелабирул аккура. Ду гьелтталли диранталжи чивгьул угара авиргьуд. Гьелей ник1на абирцулца этижира. Дила илби турагьадит1ахаттал, дул ча давлачебилал, ча мискинал абаргьид. Суккелцци цагван гъайк1ич1уд.

Цай урши ик1ван тях1ялли, паччях1ли уршилла илби ттурагьадит1ухунца. Весунца гьет пулан шагьарцци. Уршилли гьелин кадиццухурца низам-кьяйдара, гьар цик1ал давкдичихивца. Уршилли гьелин цачивца цинна arrapa абара.

Гьеркабигьявца гьелин гьелтти.

Гьел шагьарцци бити халк1ла хабарттурабичивца, ц1акьли паргъатбигьявли, вазирла гъайжир укка черг1ябянница бик1ул. Гьетеннажин гьел улкаллцци даршидехьра, паргьатдехьра минадигьявца.

Гьетин гьеттира белди, гьежин дура цегьивда.