Виллира вейкваллира уживца ца аттала ца урши. Аттал аба рахьратурли, аттала хьулунни гьилкьун уживца. Аттала хьулун кьиркьир руживца. Бацбик1и дерц1андел, цагьабиттар бацбик1алла сили ник1ати калугьун руживца. Ц1ил т1абак1 буцивли дурцабирул, гьелтти ник 1а сили субела уршила сагъли аржухул руживца. Урши велкъаней укунни ужив аккура.

Сахъ гвана ч1вакьа дерц1ивкъел, уршилли цаник1а бут1а ч1вакьванна цеберттивца. Аттала хьулунни гьел урши вявгьивца, цилжи и вахт аккваркъел ч1вакьванни укуидей рик1ул. Урши виссара киживца. Гьел зама налла атта хъил цегьивца, цилжи виссулдей ик1ул уршилцци хабаргьассивца. Уршилли бурсивца, ч1вакьва багьнал ила хьулунни вявгъивда ик1ул. Аттал цинна хьулун маймайраривца, ч1вакьва багьнал урши вивгъян биргьару, ч1вакьванна вахт биргьару ик1ул. Ц1ил уршилцци ци биккарай этти ик1ул хабаргьассивца. Урши ик1улца, дила аба риккар. Цачивли аттал цинна хьулун, магьар черкабишурца. Уршилцци ик1улца: — Вя риккул вигьаттал, ила аба гьакара.

Уршилли разивигьявли, цинна аба цачивца.

Гьетин гьеттира белди, гьежин дура цегьивда.