John Knox he learn’d the Latin,

The Hebrew and the Greek:

But aften frae the poopit

His mither-tongue he’d speak.

In bane he was sma’-boukit,

But had a muckle beard

And when he gar’d it waggle

Baith man and beast were feard.

He brocht back frae the galleys

The snellness o’ the sea:

Its saut was in his sermons,

Its glitter in his e’e.

John Knox in destination

Warsl’d wi’ kirk and state;

And the souchin o’ his spirit

Blaws about Scotland yet.