1 Insultus Morbi primus;

2 Post, Actio laesa

3 Decubitus sequitur tandem;

4 Medicusque vocatur;

5 Solus adest; 6 Metuit;

7 Socios sibi iungier instat;

8 Et Rex ispe suum mittit;

9 Medicamina scribunt;

10 Lente et Serpenti satagunt occurrere Morbo.

11 Nobilibusque trahunt, a cincto corde, venenum,

Succis, et Gemmis; et quae Generosa, ministrant,

Ars, et Natura, instillant;

12 Spirante Columba,

Supposita pedibus, revocantur ad ima vapores;

13 Atque Malum Genium, numeroso stigmate, fassus,

Pellitur ad pectus, Morbique Suburbia, Morbus:

14 Idque notant Criticis, Medici, evenisse diebus.

15 Interea insomnes Noctes ego duco, Diesque;

16 Et properare meum, clamant, e turre propinqua

Obstreperae Campanae, aliorum in funere, funus.

17 Nunc lento sonitu dicunt, Morieris;

18 At inde, Mortuus es, sonitu celeri, pulsuque agitato

19 Oceano tandem emenso, aspicienda resurgit

Terra; vident, iustis, Medici, iam cocta mederi

Se posse, indiciis 20 Id agunt;

21 Atque annuit Ille,

Qui per eos clamat, linquas iam Lazare lectum;

22 Sit Morbi Fomes tibi Cura; 23 Metusque Relabi[30].