Бысть черноризець именем Еразм¹⁷, имея богатство много, и все, еже име, на церковную потребу истроши¹⁸, иконы многы окова, яже и доныне суть у вас над олтарем. И сий¹⁹, обнищав велми и²⁰ небрегом бысть никым²¹, в нечаяние себе²² вверг, яко не имети ему мзды истощенаго ²³деля ему²⁴ богатства, еже в церковь, яко не²⁵ в милостыню²⁶ сотвори. Сия²⁷ диавол²⁸ вложшу ему в сердце, нача неродом²⁹ жити, во всяком небрежении и бесчинно дьни своа препроводи³⁰.

И разболевся велми, наконец пребысть³¹ нем и не зря 8 дний³², и мало дыхания в персех имый³³ В 8 же день придошя к нему вся брятиа³⁴, и, видяше³⁵ страшное его издыхание, чюдящеся, глаголаху: «Горе, горе³⁶, души брата сего! Яко в лености и во всяком гресе³⁷ пожит, и³⁸ ныне³⁹ нечто видит, и мятется, не могущи⁴⁰ изити». //

л. 30 Сий же Еразм¹, яко не боле², въста, и седе, и рече им: «Братие³, послушайте, воистинну тако есть. Якоже⁴ сведаете⁵, яко грешник аз есмь и не покаахся и доныня. ⁶И се⁷ днесь явиста⁸ ми ся святая Антоний⁹ и Феодосий¹⁰, глаголюща¹¹ ми¹²: «Молиховеся к¹³ Богу, и дарова тебе Господь время покаанию». И се видех святую Богородицю, имущу на руку сына своего, ¹⁴Христа, Бога нашего¹⁵. И глагола ми: «Еразме, понеже ты украси церковь мою и¹⁶ иконами возвеличи, и аз тя прославлю во царстве¹⁷ сына моего, убогыя бо всегда имате с собою[131]. Но, встав, покайся и приими си аггельскый¹⁸ образ[132], и в 3 день поиму тя чиста к собе, возлюблешаго благолепие дому моего».

И си рече¹⁹ братии²⁰, и²¹ нача исповедати²² грехы своа, елико сотвори, ²³пред всеми нестыдно²⁴, радуяся о Господе. Ти²⁵ тако встав, иде ²⁶сам в церковь²⁷, и пострижен бысть в скиму, в 3-й день ко Господу отъиде ²⁸в добре исповедании²⁹. Се слышав³⁰ от тех свидетель святых и самовидец, блаженых старец.

Да се ведый, брате, слышав³¹, не мни, яко³² всуе истрошив³³, еже име³⁴, яко все пред Богом истощеное³⁵ есть³⁶ и до медници. Чай от Господа милости за труд твоего дела. Двои двери доспел еси той святой великой церкви Богородичине³⁷, и та отверзет ти³⁸ двери милости своеа, о таковых бо всегда о³⁹ той церкви иереи⁴⁰ вопиют⁴¹: //

л. 30 об. «Освяти любящаа благолепие дому твоего¹[133], тыя впрослави² божественою твоею³ силою!». Помяни оного патрекеа, иже крест скова от злата чиста; ему же возревнова юноша, мало своего злата приложив, наследник бысть всему стяжанию его[134]. Ты же, аще изнуриши⁴ сущее на славу Божию и его Матере, не погубиши мзды своеа; но рци с Давидом: «Приложу на всяку похвалу твою»[135], — да и ⁵к тебе речет⁶: «Прославляющаа мя прославлю»[136]. Понеже сам ми⁷ еси рекл: «Уне ми есть, еже имею, то все на церковную потребу истрошу, да не напрасно ратью, или татьми, или огнем взято будет». Похвалих ⁸добраго волениа твоего⁹. «Обещайтеся, — рече, — и воздадите»[137]. Уне бо¹⁰ есть не обещатися, нежели¹¹, обещався¹², не воздати[138].

Аще ли что такоему¹³ случится, ¹⁴егда¹⁵ ли ратию, ли татми окрадену быти, никакоже не хули, ни смутися, но ¹⁶благохвали о сем со Иевом¹⁷: «господь дал, Господь взял»[139]. Тому слава ¹⁸с отцом¹⁹.