I

[1] Erua kope о Makita, о Rokeaua, he oho, he tuu ki Hotu iti. [2] He tuu ki te hare о Kaiga i Haga-Nui. [3] He uru ri roto ki to hare ararua kope, he hakaaroha ki a Kaiga.

[4] He hakaaroha mai Kaiga ki a Makita, ki a Rokeaua. [5] He ragi Kaiga: «Ka uru ki roto ki te hare». [6] He uru Makita, Rokeaua, he noho. [7] He momoe ararua ga io, he hauru.

[8] He ka Kaiga i te umu, he tute mai i te moa, he tigai, he unu i te huhuru, he rara, he hakate(o) i te kokoma, he tata i te kokoma, he hatui ki ruga ki te maea. [9] He oho te maaga hagai a Kaiga, he mau i te kokoma ma Makita, ma Rokeaua. [10] He tuu ki roto ki te hare tau maaga hagai era. [11] He vaai i te kokoma hatui ki a Rokeaua.

[12] He ui mai Rokeaua: «Не aha te mee na?» [13] He haka-hoki te maaga hagai a Kaiga: «Не kokoma moa». [14] He ki mat Rokeaua etahi tagata e hauru ro(a) ana kо Makita. [15] He ki Rokeaua: «Kaihaga maua mee, tae kai kokoma moa maua, mee kai kokoma tagata no maua».

[16] He too hakanou tau maaga hagai era a Kaiga i tau hai kokoma moa era. [17] He hoki, he ki ki a Kaiga: «Pe nei e ki mai era mee tae kai kokoma moa raua. Mee kai kokoma tagata no te e ki mai era ki a au». [18] He ki Kaiga: «E ku moa a, ka iri, mahaki ka ragi, ka iri mai».

[19] He iri tau maaga hagai era. [20] He ea ki ruga, he ragi: «E maaga rakerake a Kaiga, e ka iri кое, ka oho mai». [21] He iri mai, he piri, he ki maaga rakerake a Kaiga: «Ka po tahi raa i ragi hakariva ro mai». [22] He tagi: «Ka moe mai te kaiga tutae teatea i te mahore aue, te kaiga e, ka moe mai raro te kaiga tutae teatea i te mahore». [23] Ко tagi ко ia.

[24] He tuturu, he tuu ki mua ki te hare ki a Kaiga. [25] He oho mai Kaiga, he ki: «Ka moe kое ki raro». [26] He moe Kaiga poki. [27] He too mai Kaiga matua, he tigai ia Kaiga poki.

[28] He mate, he too, he oho, he rara, he maitaki, he hakatee i te kokoma, he hatui i te kokoma. [29] He mau e tau maaga hagai era e Kaiga, he vaai i te kokoma tagata. [30] He ui Rokeaua. [31] He hakaaia Rokeaua ia Makita: «Ка ara kое ki te taua kokoma kai». [32] He ara Makita: «Не aha mee ena?» [33] He ki Rokeaua: «Не kokoma tagata».

[34] He ea, he ea Makita? he ihi i te hare atua. [35] He iri, he tere mai, he mataku, ku mate a te poki a Kaiga. [36] He ea takoti mai Rokeaua, e tere takoa mai.

[37] He tikea e Kaiga a hoa poki he ragi: «Не hoa korua i te umu hiva ia [....][405] te ma vai paragia Rano-Aroi». [38] He too Kaiga i taana poke, he hata i ruga i te rago, (e noho), he ragi ki toona tagata: «Ka oho mai korua ki iri tatau ki te vaivai paragia, too mai ki te tino mo te vaka too mai».

[39] He ki te tagata kia Kaiga: «Matu ki iri». [40] He iri mai ananake kо te tagata, he tuu ki Rano-Aroi, he too i te vaivai paragia. [41] He too i te tino mo te vaka. He amoamo. [42] He hoki ananake ki mua ki te hare, he tuku i te vaka i kumi te vaka, e tarai i te tino, he hakamoe te tino, he hahau te miro о te vaka. [43] He tuku, he рае i kumi te vaka.

[44] He popo te tagata. [45] He oho mai Rokeaua ararua kо Makita e opo. [46] He tetere te tagata, te vie, te poki ki haho ki te motu. [47] Ku maa a te tagata о tuu i te vaka kumi о Kaiga. [48] Ко tetere a Anakena, a Kura, a Hago-Teo, a Vai-Mata, a Maitaki-te-Moa, a Ohau, a Ahu-te-Peu, a Motu-Tautara, Ahu-KihinRau-Mea, Ahu-Moko-Piki, ananake te ahu о tuu i oti tahi ro ai te tere ki te motu.

[49] He oho te vaka о Kaiga, he tuu ki te motu, he mimiro kavarikavari, he hoki, te tuu ki te Kauvae. [50] He ragi Kainga: «Ко oho mai te tagata ki nei ki ui atu au». [51] He oho mai te tagata, he ui Kaiga, he ragi: «Ina, ina».

[52] He ragi hakahou Kaiga: «E hia tagata toe?» [53] «Erua no toe». [54] He ragi Kaiga: «Ako raua a ararua, ka oho, ka uga mai!»

[55] He oho te tagata, he hakauga mai mai roto mai te ana o Motu-Nui. [56] He ui Kaiga, he tikea, he ragi: «Ka mau mai na kо raua ararua».

[57] He oho mai a Makita a Rokeaua, [56] He too mai ki ruga ki te vaka, he too Kaiga mo tigai. [59] He ki: «Ina kое e ко tigai vave ia maua ki tikea mai a Manavai-Mariri, te Kaiga hina turu i te maika».

[60] He ki Kaiga: «Ka hahuti te vaka, matu». [61] He oho te vaka, he tuu ki te Ihu. [62] He tikea a Manavai-Mariri. [63] He tagi Rokeaua: «Ka moe mae a Manavai-Mariri te kaiga hina turu i te maika». [64] He too mai Kaiga, he puapua hai paoa, he mate.

[65] He oho te vaka, he tomo ki Haga-Nui. [66] He noho, he kai te tu umu, he ootu te umu. [67] He rara i te ika ко Rokeaua. [68] He oti te rara, he hakatee te kokoma, he hoa, he uru i te umu, he too mai te taueve. [69] He tao ia Rokeaua, he ootu, he maoa, he tuhaa ki toona tagata о tupahotu ananake i kai ai i tuhahai ki toona tagata.

II

[1] He tau te taua a Miru о te Тиреhoш ananake mata. [2] He kio Tupahotu, he opo ki haho ki te motu ki Marotiri, he opo ki Ana-te-Ava-Nui.

[3] He oho te vaka ki te motu. He too mai i te tagata, i te ga vie, i te poki, he tigaigai. [4] He tari, he oho mai mai haho mai te motu, he tomo ki uta ki Ana-Havea; he tuna i te ika tagata ki te tagata.

[5] I te po rua о te raa, he hoki hakahou, he too mai i te tagata, i te vie, i te ga poki, he tigaigai. [6] He mau, he oho mai ki Ana-Havea, he vaai ki te tagata i te ika tagata mate. [7] He rotu, he ki i te ika tagata.

[8] He hoki te taua ki Ana-te-Ava-Nui. He turu te tiamo i roto i te kupega. [9] Ко ia kо te hatu mata i roto i te kupega mo hoahoa ki te puoko о te tagata, he mamate.

[10] He oti te hatu mata, te hoki te tiamo ki ruga, he too hakahou mai i te ratu mata ma po. [11] He hakarivariva mo turu hakahou a po ki roto ki te ana, ki te tagata tigai.

[12] He hoki te taua ki Ana-Havea ai ka hoki no te vaka ki te ika tagata i te motu. [13] Tae kо iti te tagata, te vie, te poki i te motu e too mai era ina he horau te oti mai. [14] E toru ira о te vaka i te toohaga no mai ina he oti. [15] He hoki te taua ki tua ki Ana-te-Ava-Nui. [16] Pe tau turuhaga ana о te tiam hoahoa era hai hatu mata. [17] He mamate te tagata, te vie, te poki. [18] E tagata verega kore a ka hoa mai ki haho ana, tagata hiohio ka noho i roto i te ana. [19] Ana mee reherehe ka hoahoa ki haho, he oti te tigaigai i te tagata, i te vie, i te poki, ku oti a to haho. [20] He toe etoru te agahuru no toe, ku oti a to haho.

[21] He hoki mai te taua ki Ana-Havea. [22] He too mai i te tagata i ruga i te vaka, he hakamaomao mai i te tagata о raro о te eve о te motu. [23] Etahi te agahuru no te mee toe.

[24] He oho mai a Oho Takatore mai toona hare, he tuu ki Ana-Havea i mana ki te hora о te vaka tomo mai i ruga te ika tagata. [25] He hoahoa mai i te tagata mamate ki uta. [26] He kiki te tagata о ruga о te vaka: «Ко Haga Maihi Tokerau, taau ika era». [27] He nonoi о Oho-Takatore: «Мааки te ika igoa rivariva ena ko Haga Maihi Tokerau».

[28] He ragi mai Poie: «Ma au ana о te ika igoa rivariva ena nei mo te topa, о tea he oti». [29] He rori te teketeke о te hau о mua, he ea ki ruga. [30] He hoki, he iri a Oho Takarore. [31] He ki te tagata ki a Poie Nuinui a Tuki: «Ku roria te teketeke о te hau о Oho Takatore, ku paea te taua, ku rakerake a ia kое».

[32] He oho Oho Takatore, he tuu ki toona hare, he ki ki te vie: «Не tau vovo?» [33] He hakahoki te vie: «Kai kakarao kое, e koro e, i ki ro mai ai i tau vovo ki au? [34] Hoki о nei о tau vovo, e noho nei, kое i ui ro mai ai. [35] О tai era tau vovo e noho nei raua ko taana kenu». [36] E ki era te vie ki te kenu.

[37] He ki hakahou Oho Takatore: «Karagi кое ki tau vovo». [38] He ragi te matua tamahahine ki taana poki: «E vovo e, ka iri mai koе ki ki atu tagata nei». [39] He iri mai te poki, he oho mai, he tuu ki mua ki te hare.

[40] He ki te matua tamaaroa ki te poki: «E vovo e, manau no a ho te hunoga о ga poki о hotu iti» [41] He hakahoki te poki ki te matua: «Kai ka kara о kое, e koro e, i ui ro mai а kое ki a au. Hoki e haaki rо mai te hunoga i te manau mo te mata о ga poki о hotu iti». [42] He ki hakahou te matua tamaaroa ko Oho Takatore: «Ka turu ka ki e manau ia ki te mata о ga poki о hotu iti». [43] He taua te mee e ki era te mee e ki era te matua ki taana vovo mo ga poki о miru. [44] He turu tau poki era.

[45] He hoki te taua ki haho ki te motu. [46] Etahi tagata honui о ruga о te motu ko Kaiga te igoa. [47] Etahi hoki tagata ko Vaha te igoa, he matatoa о Miru.

[48] E noho i haho i te motu etahi kona ana tiaki a Kaiga etahi ana ki a Vaha. [49] Ina he tagata toe, ku oti a te vaai e Vaha ki ruga ki te vaka, ana te tigai(t)igai i te tagata e vaai era ki ruga ki te vaka. [50] E tiaki ana Vaha i te tagata о ruga a te motu. [51] E tiaki ana hoki Kaiga ia Vaha о iri atu Vaha ki ruga ki te motu о ruga he noho.

[52] He tuu ki toona raa, he oho mai te poki a Kaiga, ko Huri Avai te igoa. [53] I te ahiahi po i oho mai ai tau poki era kau mai ai. He tomo mai ki haho ki te motu Marotiri. [54] He haka rogo mai Kaiga, ka ui Vaha: «Ka ai kое?» — «Коau kо Huri Avai». He ki a Vaha ki te poki: «Ко au ko te toa о Huri Avai». [55] He tigai Vaha i te poki a Kaiga.

[56] Tau poki era ku garoa a ana te igoa e Kaiga о taana poki te kihaga Vaha. [57] He too Vaha i tau poki era, he hoa ki haho ki te tai. [58] He rere takoa a Vaha, he hakakau atu.

[59] He turu mai a Kaiga mai ruga mai te motu, he mau takoa i te kakau. [60] He rere takoa, he kau. [61] He oho, he tomo Kaiga a Revapu. [62] He oho rae ki Ainini. [63] He noho Ira. [64] He kau atu a Vaha raua ko te poki. [65] He tomo a Voro. [66] He amo, he iri, he oho.

[67] He manau Kaiga: «A uta ho a Vaha ana oho ro; ana oho mai a nei, he mate ia au, ana oho a uta, e kore ravaa mai». [68] He noho Kaiga. [69] He ui ai Vaha, e oho no mai era, e amo no mai era i te poki tigai era. [70] A Kaiga i ka ui atu. [71] Ka huri mai, ka turu mai. [72] He manau Kaiga: «Не mate kое ia au».

[73] He oho mai a Vaha, he tuu mai ki tupuaki ki a Kaiga, he ui: «Ko ai kое?» [74] He ki mai a Vaha: «Ко Vaha ko te toe o Huri Avai». [75] He ki Kaiga: «E ko Kaiga ko te toa о Vaha»/ [76] He tigai Kaiga ia Vaha. He mate a Vaha.

[77] He too i te poki a Kaiga. [78] He mau, he tagi, he hata i ruga i te ahu itiiti ko Ainini te igoa. [79] He hoki mai Kaiga, he amo i te ika ia Vaha. [80] He oho, he tuu ki Revapu. [81] He rere hakahou ki haho ki te tai, he kau. [82] He oho ararua ko te ika ko Vaha.

[83] He tomo ki te motu. [84] He amo, he iri, he eke, he iri, he oho ki te potu о te motu ira te tagata etoru te agahuru. [85] He vaai i te ika tagata, he horehore i te kiko, he tao ki te aro haiga, ki te aro kauhaga. [86] He maemae no, he too mai, he kai, he te ahi mo tunuhaga ina he ahi, ina he kona mo ka о te umu, he kai no ai, peiraa i hatui ki te maga haiga no ki te maga kauhaga, he ka kai roa avai.

[87] He hoki mai a Moa, he keri i te kumara, i te uhi, he kato i te rau, he hah ati i te toa. [88] He hoki, he tuu Moa ki te hare. [89] He too mai i te hukahuka, he puhi i te umu, he ootu te umu, he uru i te umu, he tao i te uhi, i te kumara, i te rau. [90j He puapua hai maea a ruga a te uhi, a te kumara, he pua hai taueve, he pegopego, he tanu hai oone. [91] He oti, he oho ki roto ki te hare, he too mai i te kupega, he hakarivariva i te kupega, viri, he hohora, he oti te hohora, he hakarivariva, he viri hakahou i te kupega. [92] He ahiahi moikoiko, he maoa i te umu. [93] He too mai i te rau toa, he hohora, he papa i te kumara ki ruga, i te uhi, i te rau. [94] He here te hai о tau popo kai era.

[95] He too mai, he hakapa te kupega, he amo, he iri i te pohaha. [96] He iri, he oho, he tuu ki Vaipu. [97] He too i te kupega, he hakarere. [98] He amo ahakahou, he oho mai, he tuu ki Haga-o-Honu. [99] He iri, he tuu ki Mahatua. [100] He iri, he oho, he tuu ki mauga ki Vai-Heva.

[101] He hakarere i te popo etahi tumu nui. [102] He pao mai e vara tuke о te niu, he too mai, he hakapa ki popo. [103] He amo, he oho, he tuu ki te tiamo.

[104] I ka tuu atu, kо te tagata e hauru roa i raro i te pu, [105] He oho ka rua pu, he tagata toraro; he oho hakahou ka toru pu, peiraa, he oho hakahou ka ha pu, peiraa te tagata, he oho hakahou ka rima pu, he oho hakahou к a ono pu, he oho hakahou ka hitu pu he oho hakahou ka var upu, he tagata toraro a hauru roa.

[106] E oho hakahou etoru tagata о te hihi о te opata. [107] He turu ki raro ki raro ki te opata, erua hoki tagata, tagata mou-ga ко te hauru ro ana. [108] He turu, he topa, he ui: He korua?» [209] He hakahoki mai a roto a te ana «Ко ai kое?» [110] «Ко au ко Моа.» [111] He tagi mai: «Aue, repa, e ka oho mai».

[112] He ki a Moa: «Не mee о tagi vave mai anira о otea au. Ka too atu te hai mai tooku gao». [113] He too, he eke a Moa, he oho ki roto ki te ana. [114] He mataki i te popo, he tuhaa i te toa. [115] He ki Moa: «Mo hakavaivai i te haha ka kai te toa». [116] He tuhaa hakahou i te kumara, he tuhaa hakahou i te uhi, he tuhaa hakahou i te rau. [117] He ki Moa: «Не mee о kai vave e hoki au, ana kai iho».

[118] He ui Moa: «Не te ivi о Pere Rokiroki?» [119] He ki mai kia Moa: «Ai raro era». [120] He ki Moa: «Ka turu, ka too mai». [121] He turu, he too mai, he tuu mai. [122] He titigi i tej ivi rae, he hakaparehe, he rivariva, he hahau ki ruga ki tau tuke niu era amo oho era. [123] He here hiohio i ruga i te tuke niu.

[124] He ui hakahou Moa: «I be te timo e noho mei?» [125] He ki mai te tagata о roto о te ana ко Ana-te-Ava-Nui: «Na i te kona ena».

[126] He too Moa i tau tuke niu era i ruga te magai ivi tagata. [127] He pao e Moa ki ruga ki te kona noho era о te tiamo. [128] He hiohio, he ki: «Ka (o)ho mai, ka mau ananake, ana ragi: „Ka haro au eruga e". Ka ruruku mai, ka too te rua tuke, ka hakarau, ka ruruku mai peira te toru, peira te ha, peira te rima, peira te ono, peira te hitu, peira te varu [129] Ava varu tuke ana hakahiohio, ka ruruku mai ana topa mai a ruga a te taura, korua ana iri atu. [130] Ata kahara korua au ana, ui korua ia au».

[131] He tagi Moa, ku oti a te vanaga, te hatu oira i hakaa-roha ai ki te tagata ona. [132] He oti te tagi, he ki: «Ka noho korua. О ravaa au e te taua, he hoki au».

[133] He hoki mai a Moa, he iri, he oho mai raro mai te opata, be tuu ki te gagata era erua. [134] He tuu hakahou ki te gagata era etoru e hauru no ana. [135] He ea ki ruga, he tere i he oho mai ki Mauga-Teatea, ki Mahatua. [136] He hipa ki te maritonu, be too mai, he mou ki te rima. [137] He oho, he tuu ki Vaipu, ki te kupega, he too mai Vaipu. [138] He amo ki tegao, he turu, he oho, he tuu ki te hare.

[139] He moo ro ana te vie. [140] Ho hohora i te kupega a ruga a te hare, he hukihuki i te maritonu ki ruga ki to kupega, ki ki at te tagata mat tai ai. [141] He ura ki roto ki te hare, he moe ararua ко te vie, he pagahaa, he hauru kai roa te hauru-haga.

[142] I vouro ai te karaga: «Ku рае a taau taua, e tai e!» [143] He veveri hakahou a Moa, he ara. [144] He ki te vie: «E ia кое о peaha?» [145] He ki Moa: «Kai ma mai о ga kope о peaha».

[146] He ootea. [147] He turu te timo, he topa te timo ki te haha о te ana. [148] He bakarivariva te tagata о roto о te ana o Ana-te-Ava-Nui. [149] He pao i te tuke rae i ruga, a te rua te toru, te ha, te rima. [150] He ruruku mai te ono te hitu. [151] Ka ruruku ко ia te varu.

[152] He topa mai te timo ki roto ki te ana о Ana-te-Ava-Nui, i roto i te kupega te timo tagata о Mini. [153] He too e te tagata о roto о te ana о Ana-te-Ava-Nui, he tigai ararua timo, he hakarere i roto ana i te ana. [154] He eke ro ai te tagata о roto о te ana a ruga ana a te taura, he tahuti.

[155] He iri, he tuu ki tau tagata era erua. [156] He tigai, he tuu ki te tagata era etoru о te hihi о te opata. [157] He tigai. [158] He tuu ki te tagata о raro о te pu, he tigai e rima te aga-huru a vavaru pu.

[159] He tikea te tagata a Moa, ina kai tigai. [160] He ragi: «Ka noho korua tumu о mate i te terehaga». [161] He noho tau tagata era.

[162] He tigai i te tagata о Mini, te vie, te poki, he tigai tahi. [163] He vae i te vie rivariva te tagata о roto о te ana о Ana-te-Ava-Nui. [164] «Не vae kое i taau о te vie. He vae hoki au i taaku о te vie, ananake pehu mee ana!»

[165] He tuu te taua ki te kona kо te Hukiga-Heru. [166] He ragi ki haho ki te motu о Marotiri: «E haho e, ka rere taura ко te Pua Hauhau, Kuravaana!» [167] He ragi mai haho te motu: «Ragi mai na au, e uta e. Ku pua ana te rito о te mauga».

[168] He hoki te taua о uta. [169] He tigai i te tagata, i te vie, i te poki. [170] He rere te matatoa haho о te motu ki haho ki te tai. [171] He kau, he oho, he tomo a Omamamama. [172] He tigai i te tagata. [173] He tuu ki Ana-Havea, he tigai.

[174] He tere a Poie Nuinui a Tuki ananake ga taina. [175] He tigai te tagata, he tutute ki a Poie ki Orohie Poie, ki ahu Puoko, ко taua nui takoa; ki Maio, ki Mauga-Toatoa Poie ко taua nui takoa; ki moai Anoganoga Poie, te taua takoa ki Haga-te-Tega Poie te taua nui takoa; ki Rugavae, ki Anavaero, ki Oroi, ki Akahaga. [176] He iri a uta Poie, e iri takoa te taua ki Rapa-Tahi-Auka. [177] Poie ki Haupuamea, Poie ki te Miio-Oone, Poie (...), ki taua nui takoa.

[178] He tute era te hotu iti ko Kaiga, he ragi Kaiga: «Ka noho, ka hakarere mahaki mo te tau era, mo hakareka о tatou».

[179] He hoki te taua ki te Revareva, ki Vai-Tea, ki Ava-Ra-gauka-Atoroke-Hau. [180] Te taua a Kaiga e tigai era i te tagata. i te vie, i te poki. [181] E vie rivariva ana ka hue mo vie mo raua.

[182] Ki Apui te taua a Kaiga, ki Mauga-Opipi, ki Ahua. [183] I ka tuu atu e hohoko ana te tagata ko Hua Катоа, kо Hua Kagori, etahi te agahuru, te tagata pehu igoa ana ananake. [184] E koa ana i te ao. [185] He oti hotu iti te tupahotu, о hotu iti te mamate te ia raua. [186] He ui mai a Hua Kagori ko te taua, he mataku.

[187] He cho atu Kaiga ananake ko toona tagata. [188] He tigai i tau tagata era e koa ana i te raua ao; ina kai koa hakahou tigaitigai ana e Kaiga.

[189] He piri mai te taua о roto о te ana о Ana-te-Ava-Nui ki a Kaiga. [190] He hakapiri ararua taua ko roto ko te ana ko haho ko te motu e tigai era i te tagata, i te vie, i te poki. [191] He oti te tagata, ina he tagata toe ko Anakena no te kona i tae tigai ko Vaihu te potu о te paiga era. [192] Ku oti a hotu iti te tigai peiraa Haga-o-Honu.

[193] Ka tuu ro ki Mahatua. [194] He hoki te taua a Ana-te-Ava-Nui. [195] He too i te tagata etahi ko Paoa Aurevera aana te ura, te ika, te toa. [196] He too i tau ika era ko Paoa Aurevera, he amo, he hoki ki tua ki roto ki te ana, ki Ana-te-Ava-Nui. [197] He puhi te umu, be tao i tau ika timo era i tau ika ka Paoa Aurevera, te torn ika i tao.

[198] He ootu, he maoa, he kai. [199] He ata i te ana noho j era о raua i roto i te ana tau ika era etoru. [200] He kai atu, he hoki te taua a Kaiga ki Ana-Havea. [201] He tao takoa to raua o te tagata mo kai. [202] He ea mai te tagata о Ana-te-Ava-Nui. [203] He noho i Mahatua. [204] He oho te tagata, he too mai kое i taau vie, te kope era, te kope era hoki ananake. [205] He oho mai te tagata о Kaiga. [206] He noho i Potu-te-Ragi. [207] He too mai i to raua о te vie etahi te agahura, te vie kataki no tagata ararua paiga.

[208] He matau to roto to ana ko te Toki Heu, ko te Toki I Punipuni, ko te Toki Regorego. [209] He matau hoki to haho to te motu to Marotiri ko Ui, ko Katu, ko Mahani, ko te Hihi о Pinto, ko te Vekeveke о Pirato.

[210] He hakai i te poki ararua paiga. [211] He porekoreko te poki. [212] He hagai; he nunui ararua paiga ko tua ko te anal ko haho ko te motu. [213] Korokorohua te ga poki, he hakamaa, he tau te taua tautaga te ga poki. [214] He maa te tau о te taua.

[215] He tuu ki toona tau. [216] E iri te taua ki a Poie mo ira i hakarere era i tau taua rae era. [217] Iri te taua i te hora era о te роа. [218] He tuu ki Tuu tapu.

[219] He ui ia Poie i roto i te hare ina oroto. I tai i te ika tuku. [220] Erua no mee о roto о te hare, he hugavai ana о Pole ararua ko taana uka. [221] Te hugavai о Poie Nuinui a Tuki ko Maikuku, hugavai rakerake.

[222] He ki Maikuku ki te matatoa о tupahotu: «Ana hakaea au i tooku marego kihaho i tai Poie; ana tae hakaea kihaho i tooku marego ka maa no korua i roto i te hare».

[223] He ea ta(u) uka era a Maikuku, he ohu: «E Poie Nuinui a Tuki e, i mua ia kое taau taua hatupaki. Hatupaki verevereu verevereu Matagi-a-Tuu-Tapu. [224] He taua o taau e Maikuku rakerake e, mo Poie mo toou hunoga, ika nui о te Hakataha pei nui».

[225] He oho te taua, he piri ki a Poie. [226] He tute la Poie ki Haga-Roa, ki Apina-Hi, ki Apina-Nui, ki Haga-Piko, ki Mataveri.

[227] He rere ki haho ki te tai ananake ko te taina a Poie, e kau, he oho ki te motu ko taua nui takoa. [228] He tomo Poie ki te motu ananake ko taana ga taina. He tuu takoa atu te taua.

[229] He rere hakahou mai Poie ko taua nui takoa. He tomo Atajpu. [230] He tore, he iri ktouiga ko taua nui takoa. [231] He rava te taina rae, he rava karua, he rava ka toru, he rava ka ha. [232] Etahi i garo ko Taku Hauuri.

[233] He too ia Poie, he mau, he iri. [234] He tagi Poie: «Plri nui te toto e ga hoa e, piri nui tukakl nui». [235] He ea ki ruga ki Orogo ananake te taua.

[236] He hakapiri tahi te taua. [237] He oho mai te poki: «Ka vaai mai tau korohua ki au». [238] He too Kaiga, he aval ki tau poki era ia Poie.

[239] He too mai tau poki era ko Kiri Reva te igoa о tau poki era. He too mai ia Poie, he hakamaroa. [240] He too mai hai rau toa, he hai ahaho a he hakari о Poie. [241] He ipegopego te rau toa i ruga i te hakari. [242] He too mai tau poki era ko Kiri Reva i te ahi, he tutu ora ia Pole hai ahi. [243] He tipatipa te hakari i te ahi e hu era te ahi, i te vera d te ahi.

[244] He too tau poki era. [245] He oho atu, he kai atu, he hoki te taua mai Orogo ki Mataveri e kimi ana i fe tagata, i te vie, i te poki toega. [246] Ki Haga-Roa, ki Vaka-Piko, ki Ana-o-Hoka, ira Oho Taka Tore ananake ko taana ga poki. [247] Ko toona tagata ina kai tigai.

[248] He oho mai i Ahu-te-Peu, ki Ohau, ki Maitaki-te-Moa, ki Vai-Mata, ki Ru-Motu, ki Haga-Tavari, ki Hagoteo, ki Motu-Raunuku, ki te Emu, ki Papa-te-Kena, ki Motu-Kau, ki te Ava, ki Haga-o-Hiro. [249] E tigai hakamaomao era ki Hira-Moko, ki te Hare-Titaa. E too, e oho era.