[1] Ко Oroi; he piko mai i rage i te vaka о Tuu ko Ihu, i oho mai ai mai Hiva mai Marae-Rega. [2] He piko mai Oroi i raro i te vaka о Tuu ko Ihu.

[3] He oho mai tau vaka era, he tomo ki uta ki Haga-o-Hio [4] He oho mai te tagata, he marere. [5] He oho ki uta i te po, i piko mai nei Oroi. [6] He tomo rua ki uta, he noho i uta nei.

[7] He tomo takoa ana te vaka о Hotu Matua. [8] He tomo ana, he poreko ana ko Tuu Maheke te poki, i poreko a Hotu Matua i te kaiga nei ko te Pito-o-te-Henua. [9] He poreko rua hoki te poki a Tuu ko Ihu, ariki tamahahine ko Ava Reipua, te ariki a Tuu ko Ihu, о toona vaka. [10] He noho te tagata.

[11] He oho atu Tuu ko Ihu, he hakahiti i te ata о te ariki о Tuu Maheke. [12] He oho a Tuu ko Ihu ki te pito nanagi о te ariki о Tuu Maheke. [13] He oti te nanagi e Tuu ko Ihu, he hoki, he nagagi i te pito о taana ariki tamahahine ko Ava Reipua.

[14] He oti te nanagi, he rotu. [15] He hue te tagata a Hotu Matua, te tagata a Tuu ko Ihu. [16] Ai ka noho a Oroi, kai tikea.

[17] He porekoreko hakahou te poki о Hotu Matua he nunui.

[18] He turu te ga poki a Hotu Matua, he hohopu i te kona ko Roto-Kahi; ira te kona hohopu о tau ga poki a Hotu Matua. [19] He tomo ki uta, he momoe te ga poki. [20] He vai i te tuaivi ki te raa, he hakamahana i te tuaivi ki te raa. [21] He noho era i te raa ananake.

[22] Ka ui no mai a Oroi. [23] He tuu ki tetahi raa, he oho mai a Oroi, he piko atu i uta.

[24] He hohopu no ana tau ga poki era a Hotu Matua e ono. [25] He totomo ki uta mai te hopuhaga. [26] He vai i te tuaivi ki te raa. [27] He hauru tau ga poki era, ku garoa ana te mahana. [28] Ku rerehu ana, i te vai kava oira i hauru ai.

[29] He oho atu Oroi, e too mai i te vaero ura, he hakauru i roto ki te kauha. [30] He kume mai i te kokoma ki haho о te ga poki. [31] A oho ga poki he mamate.

[32] He po ai ka ui no mai Hotu Matua ki te maea о Roto-Kahi-Pahega poki ooga era.

[33] He oho mai Hotu Matua. [34] He ui i ka tuu atu nei. [35] Ku mamate ana tau ga poki era i haho te kokoma. [36] Ananake ga poki i haho te kokoma. [37] He ui Hotu Matua a Oroi tau aga era, kokoma kumekume era ki haho.

[38] Kai maa Hotu Matua ia Oroi. [39] He manau era Hotu Matua i Hiva ana i Marae-Rega a Oroi, i ka ui atu Hotu Matua ko tau aga era kumekume kokoma era a Oroi i Hiva in Marae-Rega.

[40] He ki Hotu Matua hokotahi no, e ki era: «Tute nui no mai te taua ia kое, e Oroi e mai Hiva, mai te kaiga». [41] He tagi mo taana ga poki, ku mamate ana.

[42] He tere mai Oroi, he noho, he piko i Haga-o-Honu.

[43] He tuu ki toona tau, he oho mai era te ariki ko Hotu Matua, he rarama era. [44] E ui era i te tagata i te hare koro, i te paina, i te hare hakama rogorogo, i te hare hakama tau, i to hare hakama kohau о to tagata mate, i te haro hakama о te raga, ki te hare kohau kiri tuku ki te atua kia Rarai a Hova.

[45] He ui mai era te mata о Oroi ki te ariki kia Hotu Matua ka vari ro a haha aro о te henua. [46] He ui era Hotu Matua raua ko Tuu ko Ihu. [47] He hiri Oroi i te taura kumi mo te ika ko te ariki.

[48] He tuu ki tona raa, he too a Oroi, he oho i te pu о te taura hiri era, he hakapu i vaega о te ara, he pua hai hatuoi mauku. [49] He pu mai a Hotu Matua, he ui Oroi kia Hotu Matua. [50] He ki Oroi i roto ia ia ana: «Не mate kое ia au».

[51] He oho mai Hotu Matua. [52] He tikera e Hotu Matua tau me puapua era hai hatuoi mauku. [53] Ku maa ana te ariki a Hotu Matua, he oho koroiti mai. [54] He rei i te tapa о te taura a Oroi, i rei era. [55] He ka riti e Oroi i te taura, ina kai hiohio te vae о Hotu Matua.

[56] He ki hokotahino te ariki a Hotu Matua: «Не mate a kое ia au i tona raa». [57] He oho Hotu Matua, he tuu ki Ruahaua, ki Orohie. [58] He ui ana i te tagata ki Haga-te-Tega, he hoki mai.

[59] Ku hakapu ana Oroi i te taura mai roto mai toona hare ana i hakapu, i oho ro mai ai te roaroa о te taura. [60] He hakapu i te ara mo te ariki Hotu Matua.

[61] He pu hakahou mai о Hotu Matua. [62] He tuu ki ruga ki tau taura era a Oroi. [63] He ui Hotu Matua i tau taura era. [64] He oho te vae о Hotu Matua, he eke, he rei.

[65] He haro Oroi, he higa, he hakahiga Hotu Matua. [66] He tahuti mai Oroi, he ea atu a Hotu Matua. [67] He too mai ia Oroi, he tigai.

[68] He mate Oroi, he ariki Oroi о Hiva, Marae-Rega.