[1] Не kakai te taua о te taaga arurua ko te tagata taina ko Hau Maka. [2] He avahivahi i te puoko hai maea.

[3] He ea koe e te taaga e, he oho ki Marae-Rega i ira i noho ai anakeanake ko toona mahigo. [4] I noho ai ku keke a te ure о te taaga arurua ko Hau Maka. [5] He noho a te taaga a haha ko taana ga io poki.

[6] He tuu ki te tahi tau, he ki koe e te taaga e kia Ga Tavake a te taaga, kia te Ohiro a te taaga, kia Hau a te taaga «Hero korua e aku poki e ka too mai te toromiro ka hakamoe ki tuku te vaka». [7] He too, mai he tuku i te vaka ia horahora iti i te raa rae a ohora iti. [8] I tuku ai te vaka e ga Tavake a te taaga, e te Ohiro a te taaga, e Hau te taaga. [9] He ki e te taaga e: «E hakakeokeo tau vaka». Ana tuku kiho aro i te vai tunu i oti ai.

[10] He noho e tahi marama he hakarivariva i te keua. [11] He tuu ki te tahi raa, he turu ananake ki tai he tuu, he hakaraga i te ika. [12] He pu te vae о te taaga i te tokaheu. [13] Ku ravaa ana te ika i pu ai te vae i te tokaheu.

[14] He ea anakeanake ko toona mahigo he iri ki te hare. [15] I tuu era he moe ro ai, ka rua pohitu i te moega.

[16] Ku ahu ana te vae, ina he oo te hagu о te papaku. [17] Ko te potoru о te raa i ki nei koe e Ga Tavake e: «Ка ea koe e hagu».