Публикуется по изданию: Snorri Sturluson. Heimskringla. III / Bjarni Aðalbjarnarson (ÍF. B. XXVIII). 1951.
Ól. kyrra, V. kapítuli
[…] Óláfr Nóregskonungr fekk Ingiríðar, dóttur Sveins Danakonungs, en Óláfr Danakonungr Sveinsson fekk Ingigerðar, dóttur Haralds konungs, systur Óláfs Nóregskonungs. […] (Bls. 208)
Magn. berf., II. kapítuli
[…] Hákon konungr var maðr vel hálfþrítøgr at aldri. Hann hefir höfðingja verit einn ástsælastr í Nóregi af allri alþýðu. Hann hafði farit norðr til Bjarmalands ok átti þar orrostu ok fekk sigr. (Bls. 212)
Magnússona, XX. kapítuli
Sigurðr konungr fekk Málmfríðar, dóttur Haralds konungs Valdamarssonar austan ór Hólmgarði. Móðir Haralds konungs var Gyða gamla dróttning, dóttir Haralds Englakonungs Guðinasonar. Móðir Málmfríðar var Kristín, dóttir Inga Svíakonungs Steinkelssonar. Systir Málmfríðar var Ingilborg1, er átti Knútr lávarðr, sonr Eiríks góða Danakonungs, sonar Sveins Úlfssonar. Bǫrn þeira Knúts ok Ingilborgar var Valdamarr, er konungdóm tók í Danmǫrk eptir Svein Eiríksson, Margrét, Kristín ok Katrín. Margrétu átti Stígr hvítaleðr. Þeira dóttir var Kristín, er átti Karl Sørkvisson Svíakonungr. Þeira sonr var Sørkvir konungr. (Bls. 258)
1 J, E, G, F, H, Hr: Ingibjǫrg (svo og annars staðar í þeim hdr.).
Magn. bl., X. kapítuli
[…] Austrfararskip níu fluttu í ánni fyrir bryggjum, er kaupmenn áttu. Vinðr lǫgðu þar fyrst at ok bgrðusk við kaupmennina. […] (Bls. 290)
Magn. Erl., II. kapítuli
[…] Valdamarr konungr var frændi skyldr Magnúss konungs. Þær váru systr, dœtr Haralds konungs ór Gǫrðum austan – hann var sonr Valdamars Jarizleifssonar – Ingilborg, móðir Valdamars konungs, ok Málmfríðr, móðir Kristínar, móður Magnúss konungs. […] (Bls. 375)
Magn. Erl., XXVII. kapítuli
[…] «Eigum vér nú tvá kosti fyrir hgndum: þann annan at fara herskildi yfir landit ok eira engu, hvártki fé né mǫnnum; hinn er annarr kostr at fara suðr aptr við svá búit. Ok er þat nærr mínu skapi at fara heldr í Austrveg til heiðinna landa, er gnóg eru fyrir, en drepa eigi hér kristit fólk, þótt þeir hefði œrna makligleika til þess». […] (Bls. 403)